dimanche, décembre 23, 2007

...في سبرنا أحنا

الشاوش ياقف و يصيح

الشاوش: محكمة ! قفوا تقديرا لخالتي خدوجة

القاعة الكل تاقف, خالتك خدوجة تقعد , الناس الكل يقعدوا. خالتك خدوجة تخزر من تحت للشاوش.

خالتك خدوجة : دخّلوا المتهمان.

يدخل راجل ناهز الثلاثينات في يدو صندوق قطوا و بنية في نفس العمر في يدها بلاتو قازوز. الوليد يدخل لقفص اتهام عاليمين و البنية للقفص الي عاليسار. هالزويز يدنكسوا ريوسهم و يلزموا الصمت. خالتك خدوجة تخزر من تحت المرايات لملف قدامها و من بعد تخزر للجهة اليمنة.

خالتك خدوجة : أحيل الكلمة لأم العريس.

تاقف خالتك محرزية و تتقدم لوسط القاعة بين قفصي الأتهام.

خالتك محرزية : خالتي خدوجة ,حضارات المستشارين. كيما تعلموا, تعتبر التهم الي وجهوها أهل العروسة لينا و لولدي, تهم خطيرة ياسر ..بينما هوما الي غالطين في حقنا حسب سبرنا

تاقف خالتك عيادية.

خالتك عيادية : نحتج يا خالتي خدوجة ... كلمة سبرنا في المهموتة

خالتك خدوجة : وضح أكثر أصل السبر

خالتك محرزية : حاضر خالتي خدوجة... كنت نقول حسب الفصل الأوّل من السبر 124 لمدينة تونس و ضواحيها ...يقول "يحجّر خروج أهل العريس فارغي اليدين" فهنا مخالفة واضحة و جلية لسبر هذه البلاد.

خالتك عيادية : نحتج يا خالتي خدوجة ... العروسة من الساحل و تتبع سبر مدينة سوسة و الساحل و ذلك حسب الفصل 15 من السبر رقم 325 الي ينص على عدم شرعية تمكين أهل العريس من أي شيء عند خروجهم.

خالتك محرزية : نحتج خالتي خدوجة ... السبر يتبع مكان الخطبة و العرس و لا يعتمد أصل و مفصل أهل العروسة

خالتك خدوجة : احتجاج مقبول

خالتك عيادية : هذاكا كان تم احترام السبر من هؤولاء ... لكن هوما بيدهم كانوا مخالفين ...و مخالفة خطيرة ...نساو ما قالوش "جيناكم خاطبين راغبين" مما يعتبر مجاوزة خطيرة لكل سبر تونسي من أقصى الجنوب لأقصى الشمال

خالتك خدوجة تاخذ مطرقة لوح و تضرب فوق مجلسها.

خالتك خدوجة : ترفع الجلسة ... وقيت كاس تاي منعنع .. و زيد المسلسل عادك بيه باش يبدى ...ترفع الجلسة لبعد المسلسل


jeudi, décembre 20, 2007

les news de Normalland : speciale fêtes !


Mesdames mes demoiselles messieurs, bonsoir et bienvenus dans cette nouvelle édition du journal de Normalland dédiée aux festivités qui ont eu lieux ces jours ci dans notre patrie.

- Dans le cadre des dernières études sur notre peuple Normallandais et ses comportements psychiatriques, nos sociologues ont affirmé que notre patrie comporte un taux minime de « psychopathes ». En revanche, les mêmes études ont affirmé l’existence d’une autre pathologie typique qu’ils ont baptisé « les psycho-pattes ». Les psycho-pattes se manifestent généralement occasionnellement (les jours de l’aïd el kebir) et s’attaquent aux pattes des moutons et des taureaux ainsi qu’à leurs têtes et leur font subir toutes sortes d’atrocités.

Nous vous rappelons –dans ce cadre- que nos sociologues on déjà recensé une autre pathologie saisonnière et qui se manifeste les jours des soldes : « les psycho-sabbats »

-Un vieil homme dénommé « Père Noël » a été retrouvé ce matin même dans un état critique au milieu de nulle part alors que son véhicule était complètement détruit. Ce Monsieur à la barbe blanche n’a pas voulu répondre aux questions des enquêteurs, il se contentait de chanter en pleurant « petit papa noël, quand tu descendras du ciel …attention aux nombreux moutons, a qui les âmes montent par millions, a cause de la fête des musulmans ».

Dés qu’il s’est senti mieux ce vieil homme a été transféré au centre de détentions des cas psychiatriques a cause de ses propos pédophiles, je site : « libérez moi ! J’ai rendez vous avec tous les gamins de la terre … je cache dans mon pantalon beaucoup de cadeaux pour eux ! »

- Une famille Normallandaise a été victime d’un étrange phénomène. En effet après avoir égorgé leur mouton d’aïd ils se sont aperçus que la langue de la bête était étrangement dure ! En faisant appel aux experts, ces derniers ont découvert que la langue de la bête était faite de bois !

Des scientifiques se sont penchés sur ce cas extrêmement étrange et ont découvert la cause : ce mouton avait avalé une grande quantité de journaux de nos voisins tunisiens ce qui explique la langue de bois de la bête !

Il ne me reste qu’à vous souhaiter un bon aïd (a ceux qui le fête), un bon noel (a ceux qui le fête) et une bonne fin d’année (tout le monde la fête) . Je vous donne Rendez vous dans d’autres bulletins d’infos. A bientôt.




samedi, décembre 15, 2007

tonton de France !

- Mr cet espace est non fumeur !

- Ah oui ? même au bled on nous emmerde avec ces lois débiles ?


En souriant a la garçonnière il a éteint, aussitôt son gros cigare, puis il lui a sourit en répliquant :


- pas de tabac alors bière pour tout le monde ! servez nous une autre tournée !

- tout de suite monsieur !


Ils étaient plus que dix à la même table du bistro de l’aéroport de Tunis, plus que dix présidés par Mounir qui monopolisait la parole alors que les autres l’écoutaient éblouies.

Jalel, le neveu de Mounir, était sans doute celui qui était impressionné le plus par son oncle, par sa réussite en France, par ses aventures qu’il racontait merveilleusement bien et surtout par cette vie aisée qu'il mene. Tout cela le fait rêver. Toute l’année, il attend avec impatience les visites brèves de son tonton préféré pour fanatsmer de cet univers incroyable de l'occident.


Jalel : dit tonton, pourquoi tes visites sont si brèves … pourquoi ne pas prendre un bon congé et rester d’avantage ?

Mounir : Ah non ! la Tunisie, c’est deux trois jours au max … pas plus ! Déjà que en deux, trois jours le stress d’ici et l’anarchie me font tourner la tête, je ne sais pas ce que je deviendrais au bout d’une semaine ou pire, d’un mois ! Mes vacances je les passe la bas chez nous, en cote d’azure ou alors je fais une virée en Italie pour baigner dans la culture de la bas ! ça c’est mon plus grand bonheur !

Jalel : tu as raison tonton !

Mounir : tu sais fiston, si il n’y avait pas vous tous ici dans ce bled pourri, je ne serais jamais retourné ! Même pas pour un seul jour !


Alors que Mounir commençait à raconter encore une autre anecdote debutant , comme toujours , par : « la bas, chez nous … » , Jalel a plongé dans ses chimères : Qu’est ce qu’il rêve de suivre le pas de son tonton ! Qu’est ce qu’il rêve de tout laisser tomber ici pour vivre ces mêmes aventures que vit son oncle ! Dommage que ce dernier soit un « homme libre »! ( comme il se décrit lui-même).

Son oncle n’a jamais pris au sérieux ses demandes, repetés mais toujours implicites, de l’accompagner dans son monde occidental. Il se contentait de répliquer : « je me suis fait moi-même, et quand j’ai décidé de partir me construire la bas, je l ai fait tout seul comme un grand ! ».

A cette phrase, Jalel a compris que son tonton veut le responsabiliser et que si il compte y aller, il doit le faire de lui-même sans aucune intervention. Ce qui ne pouvait qu’agrandir l’estime qu’il a pour cet oncle hors du commun.


Mounir : ah voila, dernier appel pour mon avion ! Le monde civilisé m’appelle !


Tout le monde a rit à sa blague alors qu’en se levant, il a filé un billet de 20 euro à la garçonnière.


La garconniere : Monsieur , l’adition est beaucoup moins importante …

Mounir : mais c’est pas gave, c’est pour vous mademoiselle ! Je sais qu’ici , au bled, vous n’êtes pas bien payés !

La garçoniere : merci Monsieur !


Devant la porte d’embarquement Mounir embrassa tout le monde. Jalel fut le dernier à avoir une accolade de son tonton.


Mounir : tu remercieras ta maman pour la « bssissa » et toute la nourriture que j’aime bien qu’elle m’a préparé … c’est vrai que ça a causé un excès de bagage …mais merci mon dieu, on a pu nous arranger avec l’agent !

Jalel : tout le plaisir est pour nous tonton ! On espère te voir bientôt … et si tu ne viendras pas ! Je viendrais moi-même par mes moyens !


Mounir a sourit à son neveu et est entré à la salle d’embarquement.

Dans l’avion Mounir a compté l’argent qu’il lui restait : 125 euros ! Il doit se débrouiller avec cette somme pour ce mois ci. Les 50 euros qu’il compte obtenir du romain a qui il a sous loué sa camionnette –ou il loge- seront investis dans le transport car rechercher un petit boulot a Paris nécessite beaucoup de déplacements et les métros sont de plus en plus contrôlés.

Dieu merci, la nourriture qu’il a rapporté peut lui suffire d’ici plusieurs mois et il peut même en revendre une partie.

Il devra galèrer espérant d’ici un an économiser un peu d’argent pour respirer au pays …

jeudi, décembre 13, 2007

هل توفي محافظ نورمالاند ؟


يعتبر غياب محافظ نورمالاند المفاجئ من أعمدة الجرائد و نشرات الأخبار و البرامج التلفزية و المسلسلات و من التشكيلة الأساسية للمنتخب ... يعتبر أمرا لم تشهده قبل البلاد النورمالاندية.

هذه الوجهة المفاجئة من التاريخ النورمالاندي جعلت الشائعات من جهة و التحاليل السياسية من جهة أخرى تتعدد و تختلف.

فمنهم من أكد مرض السيد القوفرنور بمرض خطير تفشى منذ أمد بعيد و استفحل به بدليل أنه قد سبق و أعلن عن عدم ترشحه للانتخابات الرئاسية النورمالاندية القادمة (و هو أمر غير مألوف و يعتبر مخالف للسنن الحميدة النورمالاندية).

و فسّر أصحاب هذه الرؤية عدم وجوده بعلاجه خارج الوطن.

أما البعض الأخر فقد اتهم كبير حمقى حمقستان هذا البلد المعادي لنورمالاند, اتهموه بالتأمر على السيد المحافظ و دس السم اليه. و يعتبر التصعيد اللغوي بين قادة البلدين أكبر دليل على ذلك.

و قد أكد محللون آخرون أن المحافظ اختفى ليعد العدة للحرقان بعد إعلان رئيس الحرّاقة و ريّسهم كلاندستينو رغبته للتمدّن في نورمالاند و لحكمها. و علما من القوفرنور بشعبية هذا المرشّح (مما جعله يعلن ترشحه قبل إصدار إذن من الحكومة في ذلك متحديا كل القوانين النورمالاندية), قرّر- هذا الاخير- قلب موازين القوى بمحاولته لأكتساح ميدان الحرقة و الهربة البحرية, الجوية أو البريّة.

أما جانب كبير من المحللين فقد أكّدوا أن الغياب الدائم لمحافظ نورمالاند لا يمكن إلا أن يكون دليلا على موته. و فسّروا عدم إعلان المسهولين عن هذا الخبر بتوخيهم سياسة المراحل و ذلك للتهدئة السياسية و لتفادي العنف و الفوضى.

ولم تقتصر التحاليل و التكهنات و الشائعات على هذه الاحتمالات بل تعددت و كثرت و لم تبقى من الحقائق سوى حقيقة اختفاء سيادته. فالرجاء من كل من يمكن أن يفيدنا بمعلومات عن ذلك أن لا يبخل علينا بها.


samedi, décembre 01, 2007

Quand Free-race devient 404-race !!!


تمت صبيحة اليوم إغلاق مدونة زميلنا فري-رايس من طرف جماعة ال404 الي يعملو في رافل هالايامات.

مافهمتش شنية مقايس الي اتخذوها باش يسكروا هالمدونة و من هالمنبر نتهم هؤولاء بتأويل كلام صديقي فريرايس.

هل أن أصحاب المقصات ولاو يحاسبوا في العباد على "ما يمكن ان يفهم من كلامهم؟" ... و الله عيب ... و شي يحشم ...

حشمتونا و فضحتونا يا جماعة ال404 و غيرهم (و اشباههم كثيرون)

و بما أن نيتكم فاسدة و تأولوا في المقالات حسب فهمكم و نيتكم المقعمزة فالمشكل مش في فريرايس بل المشكل فيكم يا مرضى.

ننصحكم باش تبداو بحجب أمخاخكم الخامجة و نيتكم المقعمزة و ابداو بقصان بهامتكم و تهوركم.

حشمتونا ... والله حشمتونا ...

mercredi, novembre 28, 2007

الحلم الكابوس ...ولدي

أنا راجل ... و الرجال ما تبكيش. أهلي و عائلتي علموني نكون كاسح و تربيتنا متاع بكري علمتنا نشدوا رواحنا و ما نضعفوش. و إلا لو كان حصل و ضعفنا نتخباو و ما يشوف دموعنا حتى حد.


أول مرة في حياتي نضعف فيها في مجمع كانت عام 1977 ... المرى وقتها تولد. و أنا حاير. اش نعمل هنا ؟ اش معرّس بيا ؟ اش مجيبني في الصغار ؟ السيقارو و راء السيقارو و أنا نهز و نجلب حتى لين سمعت بكاء بيبي و زغاريد النساء , قالولي " مبروك انزادلك وليّد", مشيت نجري كيف المهبول, دخلت للبيت, مدوهولي بين يديا ... ولدي ... راني شادد ولدي ...ولدي لحمي ودمي ...ولدي ... نبضة قلبي ! ما تكلمتش وقتها ...تبسمت و انا نخزلو يبكي ... هبطوا دموعي حيار, سكت هو و قعد يخزرلي نبكي ...ولدي يا جماعة راهو ولدي.


ثاني مرة بكيت وهو عمره خمسة سنين. عمري ما خصيتو في حاجة ! الي يطلب يلقى... نبيع جرودي و ما نخصوا في شي! لكن الحال حال الله, كرى و ماء و ضو و كريدي وقتها وهو طلبني في بيسيكلات لعيد ميلاده. تضربت جيت ندور, عملت يدين و ساقين بش نشريهالوا ما نجمتش. شريتلوا لعبة في شكل بسكلات, خزرلها و رماها في وجهي و مشى...

بكيت وقتها , مش مالقهرة برك, بكيت كي شفتوا كيفاش خزرلي ... ولدي يخزرلي هكة ؟ تمنيت الأرض تبلعني و ما يخزرليش هاك الخزرة. راهو ولدي ... لحمي و دمي...ولدي ... نبضة قلبي.


نهارة السيزيام متاعو ما بكيتش. كنت لاهيلوا بقرايته و هو تبارك الله عليه ذكي و يفهم فيسع و المعلمين الكل يشكروا فيه , و انا نخزرلوا بعين كبيرة و نقول في قلبي و انا نصلي عالنبي : ولدي باش يوليلي حاجة كبيرة و يهزلي راسي لفوق. ونبدى نحلم و نخنتب و مرة نشوفه طبيب, مرة مهندس و مرة رجل أعمال ...

نهارة السيزيام ما بكيتش أما نهارة الباك بكيت. هاك اافترة, ولينا ما عادش نتفاهموا أنا نرص و السيد على برة لاهيلي بصحابه و صاحباته و اللعب و الشيخات. جاني وقتها وقالي "ماكش جاي معانا للنتيجة يا بابا ؟". عطيتوا بظهري (كنا متنابزين وقتها) وقلتلوا "دبر راسك, ياخي تنجح ليا ؟ كان نجحت راهوا لروحك ...مستقبلك أنت ! وانت تقرى بالدز ...تقولش عليك عامل مزية".

لمو رواحهم وخرجوا. خرّجت سيقاروا و يديا ترعش وقلبي يدق في المئة. مشاو و مشى معاهم بالي. عديت أطول ساعة في حياتي. راهوا ولدي, ما نحبلوا كان الخير و امنيتي الوحيدة نشوفوا متهني و لاباس عليه. حرمت روحي سنين و سنين باش نكبروا و نعلموا ... و في الأخير ما نحضرش نتيجته في الباك؟ كرهت روحي ! كرهت الحب عزيز الي نعمل فيه ! كرهت عركاتي و صيحاتي عليه !

أنا هكا نخضرط وحدي و يتحل الباب , المرى تدق تزغريطة و هو يعيط و يقلي "بابا, بابا نجحت , نجحت" و ترمى في عنقي. شكون بالله فيكم ينجم يشد روحو و ما يبكيش... راهوا ولدي ...لحمي و دمي...ولدي ... نبضة قلبي


رابع مرة بكيت, هالأيامات. حليتلوا الباب. خزرتلوا : لحية طالعة ريحت بدنو دخان و شيشة و ريحة فمه قهاوي و كابوسانات.

- تسهر لتوّة يا كلب...زايد ما تحشمش... كلب بن كلب , وقتاش تعمل قيمة و قدر لروحك؟؟؟ لوقتاش نقعدلك حي؟؟؟؟ لوقتاش نبقى نصرف عليك ... ؟؟؟ شوف اندادك... تفووووه على منظرك كان انتي عبد و فيك ريحة الرجولية.

هبّط عينيه و مسح البزاق من وجهو و تعدّى على روحو.

ربيت ولدي راجل, ربيته عالرجولية ... و عمري لربيتو عالذل. غاضتني روحي , غاضني أنه كلب و أنه بن كلب, غاضني أني لا أنا و لاهو انجموا نبدلو شي.

بكيت! كيف ما عمري ما بكيت. غاضوني عينيه. ولدي كانو عينيه يلمعوا ولات خزرتو باردة, أبرد من خزرة ميّت.

صكّكت! ولدي يتبزق عليه ؟ ولدي أنا يتبزق عليه... و بهاك البرودة يقبلها و يتعدى.

ندبت ! ولدي الي قريته و ربيته و جاب الشهايد و العلامات ما فلح في شي و ما عمل شي في حياته. وجعني قلبي. ولدي راهوا لحمي و دمي, راهوا نبض قلبي. وجعني ولدي, وجعني قلبي و ظلامت في عينيا.


حليت عينيا نلقى روحي في بيت سبيطار. بدني الكل مربوط بالخيوط. حليت عينيا نلقاه قدامي. ولدي. لحمي و دمي. شافني فقت... تبسملي و بكى. ما تكلمتش وقتها ...تبسمت و انا نخزلو يبكي ... هبطوا دموعي حيار.

سكت هو... و قعد يخزرلي نبكي ...ولدي يا جماعة راهو ولدي. لحمي و دمي. ...ولدي ... نبضة قلبي ... قلبي ...

mercredi, novembre 21, 2007

المحافظ لنورمالاند يدلي بخطاب حول الأنتخابات النرمالاندية القادمة

تزامنا مع قرب الموعد الانتخابي النورمالاندي, أدلى سيادة محافظ نورمالاند خطابا متوجها به لكافة الشعب النورمالاندي و العالم أجمع. و قد أدلى سيادته بهذا الخطابه – الغير مرتقب بالمرّة- تحت دهشة و بهتة كل الحاضرين و كل النورماليين و تحت حيرة المجتمع الدولي أجمع. وقد جاد سماحته في الخطاب بالعبارات التالية



ايها النرماليون, أيتها النرماليات


منذ تولينا السلطة في البلاد النرمالاندية, سعينا في الإصلاح و التطوير و كسب الرهانات في الشكبة و البيلوط و سائر المجالات في إطار النرمقراطية الشاملة و الكاملة.

أما وقد اقترب الموعد الانتخابي النورمقراطي فأنني أقول كما يقول الفيلسوف التونسي الشقيق ... محمد الجبالي "يزيني ...".

أعلم أثر ما قلته في نفوسكم أيها النرماليون فأنتم تعتبرونني الأب و القدوة و الإمام و المرجع و الزوج.

أنّ منصب محافظ نورمالاند ليس بالسهل فأنا أسعى و لازلت أن أكون عند حسن ضن النورماليون و العالم أجمع. فاتخاذي القرارات الرائدة و انشغالي في مجلس الزنوس و في التشريع القضائي و الديني و رئاستي أكثر من حزب و مئات الجمعيات ليس بالأمر السهل و تدخلي كرأس حربة في الفريق القومي النرمالاندي لقلب موازيت المباريات و لإحراز الكؤوس ليس بالأمر الهيّن و مساهماتي في بطولة عدّة أفلام و مسلسلات و مسرحيات و في إخراج و توجيه الكتّاب و الفنانون لا يعتبر أمرا يسيرا.

ولذا فقد قررنا بعد التفكير و التمحيص, عدم ترشحنا للأنتخابات النورمقراطية القادمة و ترك المجال لأبناء هذا الوطن العزيز للمساهمة في تسيير هذه البلاد... و الجباد يا لولاد.

dimanche, novembre 18, 2007

الفرق بين الي يسّبو و الي ما يسبوش ...بوش

أيها المواطنوش

أنني مع جورج بوش

و الي عجبو عجبو

و الي ما عجبوش

نشكي بيه البوش


أيها المواطنوش

أننا ندعم أصحاب الكروش

و نهمش هاك الحوّم و العروش

اش قولكم؟؟؟ ...بارد الدوش ؟

و الي عجبو عجبو

و الي ما عجبوش

نشكي بيه البوش


أيها المواطنوش

نحن ...نحب الي ما يهموش

و الي ما علبالوش

و الي راسو فيه بابوش

و انتوما ....دوّنتوش ؟

احتجيتوش ؟

عيطوش؟

خريتوش ...؟؟؟

تضامنوش ؟

تضاهرتوش ؟

علاش امالا نكوّن في الجيوش ؟

باش نهارة الي تهيجوا ...

يدوّروها كرتوش

و نهارة الي تغلبوهم...

نشكي لجورج بوش


ايها المواطنون الهوش

ايا طبسطوش ؟

ايا انبطحتوش ؟

ايا صفقطوش ؟

ايا خرجو المليمات و القروش

كل واحد يسلّم املاكه وهو بشوش

ما نجمتوش ؟

سلموهم و انتوما تحت الدوش

علاش ما تسكروش ؟

علاش ما تزّطلوش ؟

علاش ما تتخونجوش ؟

علاش ما تتقاتلوش ؟

علاش ما تتسابوش ؟

و اذا تسبوني

نشكي لجورج بوش



vendredi, novembre 09, 2007

عمي صالح,عمي صالح...ترقدشي ؟

بالله يا جماعة شنوة قولكم في شخص يبدى كلامو ب "أحمد الله كثيرا أنني لا أعرف كيف أتعامل مع الأنترنات" ؟ شنوة رأيكم في هالكلام وقت الي نعيشو في عصر يصنّف فيه كل من لا يعرف التعامل مع الأنترنات بالأمي ؟ شنوة رأيكم بشخص كيف هكة و هو يمارس عمل يجعل من الأنترنات و كل تكنولوجيات الأتصال ضرورة مهنية لتقصي الحقائق و البحث عن أحدث الأخبار ... شنوة رأيكم وقت الي صاحب القولة يطلع صحافي.

أيه نعم ... السيد الي قال هالكلام صحافي و مش أي صحافي ... هو صحافي تونسي مشهور و صاحب أكثر الجرائد انتشارا في البلاد التونسية.

هو السيد "صالح الحاجة" صحفي تونسي و مؤسس جريدة الصريح و مدير تحريرها سابقا.


يقول سي الحاجة في مقاله " أحمد الله كثيرا أنني لا أعرف كيف أتعامل مع الأنترنات و لا أحب الاقتراب منها ...فأنا كائن ورقي عشت على الحبر و الورق سنوات عمري و من شب على شيء شاب عليه".

يا سي صالح ... بالله تتصور أنت –سيادتك- أنه أحنا تولدنا و سوري الكمبيوتر في ايدينا ؟ تتصور اننا ما تربيناش على الحبر و الورق كيفك ؟ تتصور روحك الانسان الوحيد في العالم أو في البلاد هذية الي يقرأ الكتب و الجرائد و المجلاّت ؟ يا سي صالح الانترنات و استعمال الانترنات عمره ما كان منافي للقراءة "الورقية". بالعكس ...الانترنات تكنولوجيا مكنتنا من الوصول الى كتابات ثمينة ما كناش نحلموا بيها ... و كان جيت عندك عطش الاطلاع و دودة القراءة و المطالعة ...ما تقولش هالكلام.


يواصل العم صالح بقوله : " من انني أفعل ذلك منذ أن وقعت في حب القراءة و عشق المجلات .... الى أتمسّك بها و اعيش فيها".

يا سي صالح حبك لمجلات الاطفال ما يجعلش منك فريد زمانك أو المهدي المنتظر ... الكلنا عشقنا قراءات في صغرنا ... و أنا شخصيا ( خفاش من الخفافيش الي تحكي عليهم) كنت نستنى بفارغ الصبر يوم الاربعاء ... يوم اصدار مجلة ماجد و نتصوّر ان أغلب المبحريين عالانترنات تعداو بتجارب مشابهة باختلاف أجيالهم ... تعرف يا سي صالح, انا متأكد الي أغلب قراء جريدتك حتى هوما قراو مجلات و كتب ... ماكش مصدقني ؟ نعرفك انك مستبله العباد و خاصة قراء جريدتك الفذة ...لكن صدقني يا عم صالح ... فما برشا عباد قارية و متعلمة و متثقفة ...


زيدنا يا عم صالح زيدنا . يقول : "... أما الان فأن الانترنات تحاول ان تقتحم حياتي و لكنني صامد و رافض خصوصا عندما أسمع أن هناك بعض المواقع تتخصص في البذاءة و الوقاحة ..."

بالله ؟ زعمة سيادتك مقاطع الجهاز التلفزي الي ديما (من قلة المواضيع) تحكي عليه ؟ الكلنا نعرفوا الي فما برشة قلة حياء في التلفزة ... علاش تتفرج في التلفزة و تسمع الراديون و الا سيادتك مش "كائن ورقي" فقط بل"كائن تلفزي و اذاعي" ؟ ... تي هوما الوراق يا سي صالح ينجموا يتضمنوا برشة قلّة حياء ... هاو جريدتك مثلا ... معبية بقلة الحياء و باستبلاه العباد لكن أحنا – يا عم صالح- مواصلين في قراءتها و التمحيص في كل صغيرة و كبيرة ... مش حب في سيادتك ... لكن( سامحني ..بش نخرج كلمة عندك برشة ما سمعتش عليها و ممكن نسيتها) من باب النقد ...النقد ...مش الفلوس يا سي صالح ...مش ال450 مليم الي نخلصوا فيهم ...النقد البناء ..باش نحاولو الرقي بهذه الجريدة و دفعها للصحافة المتزنة و الشريفة.

يا سي صالح لعلمك (مادام " يقولولك" خليني نقلك أنا زادة) انه المواقع الي تحكي عليها و الي يسميوها "مدونات" ما تضمش كان شباب يافع و الا "أقزام" كيما تحب تسميهم ... فما عباد أكبر منك عمر و غاطسين في الانترنات و فاهمينها ...و يكفي أنني اذكر أحمد فؤاد نجم الي يجيبك ولدو صاحب مدونة هامة جدا و يكتب عالانترنات و على المواقع المشبوهة و في نفس الوقت يكتب على الورق و بالحبر زادة. نزيدك زيادة لعلمك أن التدوين أصبح طريقة نشر معترف بها عالميا و تبناها أكبر الكتاب في العالم و تتم حاليا مناقشة عديد من رسالات الدكتورا على هالنوعية الكتابية الجديدة الى جانب عشرات الندوات الأدبية العالمية على أعلى طراز ... ما عليك كان تلوّج عالانترنات و تو تشوف ...اه ..سامحني نسيت الي انت مازات صامد.


واصل يا عم صالح. يقول : " من هكذا أرادها أصحابها الذين ابتدعوها ... الى فماذ سأقول لهؤولاء الاوباش و التافهين"

...عمي صالح ...مازلت اناديلك "عمي" راهوا ... اش تحب تزيد تقول تي هاك قلت "أوباش" "أقزام", "مرضى","خفافيش", "أشباح", "لصوص", "تافهين" الخ ... اش مازلت باش تقول ؟ نختموا بقولة للأمام علي... أهوكا زعمة زعمة أنا عندي حكمة الإمام و زعمة هاني نعرف ما قاله ؟ تي أنت حربتها بكلامك السوقي و ضهر بالكاشف مستوى كلامك ...ما عندك ما تداوي و ما تصلّح. و ما نيش باش نطيح لمستواك و مانيش باش نجاوبك.


قولها يا صالح قولها. يقول : "إنني بعد هذا العمر الطويل و التجربة الطويلة لم يعد يهزني مدح و لا قدح...فأنا أعرف طريقي وقد سرت فيه سنوات و سنوات و مازلت أواصل السير فيه و لقد أسس النهر مجراه... ولست بحاجة إلى رضا هؤولاء الذين تملأ الأحقاد قلوبهم فعميت بصائرهم و أبصارهم"

يا عم صالح ..ربي يطوّلك في عمرك ... لكن عمرك ما ينجمش يكون عذر أو سبب للاستعلاء. و لو كان انت صحفي و صاحب جريدة منتشرة انتشار كبير و لا يهزك لا مدح و لا قدح ... فهذا أمر مفزع للغاية ! تي هو أنت كصحافي خدمتك النقد, و النقد يتضمّن مدح و قدح و لو كان أنت بيدك ...ممتهن النقد ما تقبلش النقد ...هذا أمر بصراحة يخوّف.

انك تتحدث كأي دكتاتور عربي يجعل من تجربته و عمره المتقدم سببا لعدم سماع الاخرين و للمضي قدما نهج الاستبداد. ...و رغم أن العديد من الحكّام الطغاة العرب لم يتجرؤوا الى حد الساعة توريث ابناءهم و عائلاتهم فأنت لم تتردد في فعل ذلك. بحيث أن مدير تحرير الجريدة بالوراثة هو المصون "زياد الحاجة" و المديرها الاداري و المالي هو المصون "نوفل الحاجة".

أطال الله في عمرك يا دكتاتور الصحافة و كل احترامنا و اجلالنا للعائلة الكريمة ... وارثة الملك.



الكائن الورقي


mardi, novembre 06, 2007

نخوة و اعتزاز

- طمنّي دكتور ...

- و الله ... شنوة تحب نقلّك ... التحاليل ما تسرّش برشة

- كيفاش تراه ؟ صارحني دكتور ...

- في الحقيقة ... أمور النخوة سافا ... أمّا الأعتزاز طايح ياسر

- بالله ؟ و الحل دكتور ...

- و الله الحكاية فيها حلين ... الحل الأول هو شدّان الريقلة ... ترد بالك ... تعرف اش تعمل ... مش تهمّل روحك عاد و تسيّب الماء عالبطيخ مرة أمور النخوة طالعة للسماء و الأعتزاز طايح و مرة النسب متاع النخوة منعدمة و الأعتزاز يلعلع ...لا ... عيش ولدي ... يلزمك ترد بالك بحيث أن النخوة و الأعتزاز يكونوا متوازنين و متواجدين بكفاية في بدنك ...

- ايه دكتور ... و الحل الثاني ...

- اه ... الحل الثاني حل راديكالي ... يطلعلك الطو متاع النخوة و الاعتزاز للسماء ... ضربة وحدة !

- يا دكتور نوّرنا ... هاو هالدواء الثاني أسهل ... من الريجيم و الريقلة ... شسمو بربّي

- أيا سيدي خوذ حربوشتين "مصلحة شخصية" الصباح و حربوشتين "مصلحة شخصية" في الليل ... و تو توّلي أمورك خمسة على خمسة في النخوة و الاعتزاز.

lundi, octobre 29, 2007

100eme note : Le mardi 30 Octobre 2007 date d'anniversaires

Le Mardi 30 octobre 2007 est un jour très particulier dans ma vie et c’est pour cela que je vais sortir un peu de mon personnage de « gouverneur de Normalland » et laisser l’auteur qui se cache derrière ce blog s’exprimer.

Le 30 octobre c’est la date de mon 30eme anniversaire. 30 ans se sont écoulés de ma vie. De bons souvenirs et de moins bons me traverse et m’animent. Je me sens nostalgique. Je ne regrette rien (comme dirait Piaf) de ma vie : Une enfance pleine de naïveté et d’insouciance a Djerba, une adolescence de révolte, d’art et de cinéma a Tunis, un passage aliénant mais très riche à Nabeul pour la vie universitaire (je voulais faire du cinéma et rien que du cinéma et je me suis retrouvé à faire d’autres études), trois ans d’études de cinéma à Tunis(je me sens dans mon univers, je respire, je revis). Et puis elle a débarqué dans ma vie ou plutôt l’inverse. Je ne le sais plus. On était là et dés le premier jour on s’est quitté pour nous retrouver pour nous quitter pour nous retrouver. Plus on se retrouvait plus on faisait semblant de nous quitter. C’est une valse d’amour que je hais, que j’adore, que j’espère encore vivre mi’amor.

Le 30 octobre c’est la date de la 100eme note que j’écris sur ce blog. Qui l’eu cru ? Je voulais m’essayer, je voulais travailler ma créativité et voilà que j’embarque dans une très belle aventure. Je tiens à remercier tous ceux qui ont pris la peine de s’arrêter sur mon blog pour me lire. Je tiens à saluer tous mes amis bloggeurs que j’ai eu énormément plaisir à découvrir. Tous ceux qui ont commenté mes écrits et mes folies en bien ou en mal : vous m’avez rendu la vie, vous m’avez rendu la confiance (la confiance si fragile pour ceux qui travaillent dans l’art).

Grace a vous tous Normalland n’est plus un rêve, Normalland n’est pas un pays de chimères. Normalland est un petit village ou habite des gens exceptionnels : vous tous, avec vos personnages si différents, avec toute la diversité qui en découle. À tous Merci.

Le 30 octobre, c’est une date d’examen dans mon agenda. Un examen qui pourra changer en mieux ma situation, qui pourra contribuer à ma carrière : c’est une date d’ambitions et de projets. Priez pour moi !

Alors voilà. Pour les cadeaux on s’organise, pas tous à la fois. Envoyez moi un mail et je vous donne l’adresse pour m’envoyer mon cadeau et en rapide poste svp. :p

Non le cadeau c’est moi qui l’offre (question d’organisation). Je viens d’apprendre que mon court métrage passe dans le cadre des journées du cinéma européen le Lundi 19 Novembre 2007 à 18.30 au cinéma le Mondial.

Mon plus beau cadeau c’est de vous voir sortir heureux de la salle après avoir vu mon petit bébé de film.

Le 30 octobre est aussi la date où Mohamed Ali devient champion du monde de boxe des lourds en battant George Foreman par KO (1974 ), Orson Welles adapte le roman La Guerre des mondes de H. G. Wells à la radio et terrorise l'Amérique (1938), Fritz Lang termine le tournage de Metropolis (1926). Le 30 octobre est aussi le jour de naissance de Louis Malle (1932-1995), de Claude Lelouch (1937) (cinéastes français), et de Diego Armando Maradona (1960 ). Mais tout cela n’a rien à voir ! :p

samedi, octobre 27, 2007

blablabla... بلاصة


العامل : القسم على الله ملاّ بلاصة حطوني فيها ! أنا بلاصتي مش لهنا ... بلاصتي الفوق... الفوق بالكل ! و هوما رامييني في جرد هالبلاصة ! نكمل هالشهر و معادش نقعدلهم ... بلاصتي مش لهنا بلاصتي البرة ...البرة تو يعرفو قيمتي و يعطيوني بلاصتي ....

الي فوقو : اش تعمل هوني ؟ اش بيك مش شاد بلاصتك ؟ ... و الا ناوي على بلاصة زميلك ؟

العامل : تعبت من شدّان هاك الباصة قلت خلي نبدل شوية ...

الي فوقو : لا حلو ! ماشي في بالك تتمشى في البلفيدار ؟ تحرّك شد بلاصتك

العامل : يعيشك ... الزم بلاصتك ... و ما تحكيش معايا بالطريقة هذي

الي فوقو : الزمت بلاصتك انت باش أنا نلزم بلاصتي ؟

العامل : على أناهي بلاصة تحكي ... على بلاصة الأكتاف الي عطاوهالك ؟

الي فوقو : بالله ؟ و تزيد اتطوّل لسانك

العامل : هذاكا الصحيح ... يحرز عمّك شاد بلاصة الفوق عندو عشرين سنة ... ما خلّى حد ينحيلوا بلاصتو باش نجّم بلاساك في البلاصة الي أنت فيها ... هناني بناني ...

الي فوقو : أيا كي ولاّ تطييح قدر ...خف روحك ...ماعادش عندك بلاصة هوني ... و لعلمك ...نستحق ماخير مالبلاصة الي أنا فيها

العامل : شنوة ؟ باش تدور على بلاصة عمّك ؟

الي فوقو : قلتلك ما عندكش بلاصة هوني ...دبشك و طير


العامل
: بالحق ... متفاهمين الي بلاصتي مش هوني

mardi, octobre 23, 2007

خرافة البندار و العسّاس


يا سادة يا مادة يدلنا و يدلكم الخير و الشهادة.

يحكيو على راجل يموت على الموسيقى و خاصة منها الاحتفالية الى درجة أنه قرر أنه يخدم في فرقة حضرة اختصاص تبندير و تصفيق و هتافات ساعة ساعة. بدى خونا يترقى بالشوية بالشوية و يفصع على زملاءه البندارة و يتميّز عليهم بزنس صوت وبزنس لغة خشبية تعمل ستة و ..نقصد تعمل سبعة و سبعين كيف. ايا كي شافوه حاذق بعثوه في ستاج بعام في أوروبا. روّح صحيبنا بعد عام وهو حاسس روحو الي فسد كيف الخل, خاصة و ان اللغة الخشبية في أوروبا مش متداولة. روّح يجري ساقيه أعلى من راسوا, ووقف قدّام أوّل مقر متاع بندارة باش يرجّع الفورمة.

لقى روحو قدام المقر خايف. ساق القدّام و ساق التالي : حس روحو مش في فورمة "خشبية" كبيرة وخاف من تأثير هاك العام الي عداه البرة و تفجع و استلبس وهو يتصوّر في زملاءه يضحكو عليه و الا يقحرولوا اذا ما لقاش ضربة البندير متاعو المعتادة. حب يجس النبض قبل ما يدخل و يتستي مدى فورمتوا. تلفّت لقى عسّاس هاك المقر راكز كرسي و كاس تاي أحمر. قال خلي نجرّب مستوايا معاه.

البنادري : الله يعينك يا بابا ...

العسّاس : الله يسلمك ......

البنادري : تعرفش بابا شنوة موضوع الاجتماع متاع اليوم ؟ يقترحوا افكار جديدة زعمة ؟

العسّاس : لا ! هي هي هي (مات بالضحك)

البنادري : امالا يعملوا في النقد الذاتي ؟

العسّاس : لا ... حاشى وكلاّ ! شبيك ؟ وين عايش ؟

البنادري : شنوة يعملو مالا ؟

العسّاس : يثمنوا !

البنادري : تقصد يسبّعوا ؟

العسّاس : لا لا ...هذه فازة جديدة مازالت كيما خرجت ...يثمنوا ..

البنادري : متأّكد يا ولدي بالكشي تقصد يثنيو على المسؤولين و يشكروا فيهم ؟

العسّاس : يا ولدي ما تعاندنيش ... سمعتها بوذني ...قاعدين يثمنوا !

البنادري : عجايب ! متأكد ؟ بالكشي سمعت بالغالط و هوما قاعدين يخمّسوا على انجازاتنا العظيمة ...

العسّاس : خمسة و خميس على انجازاتنا ....

البنادري : بالكشي قاعدين يعملو في التوحيد ؟

العسّاس : يا ولدي ضم فمك لا نتكرفطوا عالصباح !

البنادري : لا نقصد السلطة الواحدة و المجهود الواحد و الاعلام الواحد ...

العسّاس : لا الاه الاّ الله ! شبي راسك كاسح ؟ متأكد الي قاعدين يثمنوا

البنادري : غريبة ...ما نعرفش انا حكاية "يثمنو" ...اه ..بالكشي قاعدين "يربعوا في الشتاء" فمّاشي ما ينسّيو و يتناساو أضرار الأمطار ؟

العسّاس : يا ولدي يثمنوا ... يثمنوا في القرارات الرائدة ! يضهرلي فيك يلزمك ايتود في اللغة التبنديرية !

من حينك رجع صحيّبنا منين جاء.سكّر على روحو داروا. شرى الجرائد الكل, حل تونس سبعة و شد بنديره في يده و حلف بالحرام ما يخرج من الدار كان ما يرجّع الفورمة.

samedi, octobre 20, 2007

حملة نورمالاندية جريئة لتسوية وضعية الانونيم


إشهار الحملة


هل أنت مقموع ؟

هل لديك الإحساس بأنّك مقموع و مقهور ؟

هل أنت في حاجة للتعبير عن مشاكلك و عقدك و قهرك ؟

هل تنقصك الشجاعة لتحمّل مسئولية كلامك فتختبئ و راء الاخرين ؟

إذا فأنت انونيم !

***

هل أنت خدّام حزام ؟

هل مهنتك هي تكسير الباطاطا للمدونين ؟

هل تقتات من محاولة ردعهم و تخويفهم بكلام غير لائق ؟

إذا فأنت انونيم !

***

هل أنت مدوّن ؟

هل أنت تغزّل على زملائك المدونين ؟

هل أنت بهناس الى درجة أنك تختبئ لإظهار حقدك تجاههم ؟

إذا فأنت أنونيم !

***

بشرى لكم يا أنونيم ...محافظ نورملاند يجد لمشاكلم الحل في كلمة واحدة :" دييييييييويييييييو" ! أو في ثلاث كلمات "يبطى في الهبطة".



قرار في خصوص مشكل الانونيم


بعد مصادقة من مجلس الزنوس, قرّرت الحكومة النورمالندية إصدار القرار التالي :


إن حكومة البلاد النورمالاندية تحترم كل المتساكنين فيها من حاملين الجنسّية و من العابرين و من الأجانب الزوار و كذلك من الحارقين الذين لا يحملون أي وثيقة اثباتية .


و نظرا للقيم النومقراطية و الإنسانية التي تعتبر شعار بلاد نورمالاند فإننا ندعو كل من لم يسوي وضعيته و وثائقه و مازال انونيم بالمسارعة في التقدّم بأوراقه الى وزارة الداخلية النورمالاندية و هي تضمن قبول كل المطالب : يكفي أن يسجّل الانونيم نفسه و ذلك لا يتطلب سوى بضع الثواني.


أما أصدقاءنا المارون و الذين ليس لهم متّسع من الوقت للتسجيل فالحكومة النورمالاندية خصّصت اليهم منظومة تخوّل لهم التفاعل مع التدوينات بالنقر على خيار من ضمن بعض الخيارات (على غرار "لا أشاطرك الرأي", "لا أفهم", "ممل" "أضحكتني", "رائع").


و أما في ما يخص الانونيم الذين يصطادون في الماء العكر فالحكومة النورمالاندية تقول لهم بصوت واحد "ماااااهأه" و "برا ألعب قدام داركم"

القرار الحكومي 23589 المصادق عليه من قبل مجلس الزنوس لنورمالاند بتاريخ 20-10-2007