vendredi, octobre 12, 2007

خطاب حاكم نورمالاند للشعب النورمالاندي بمناسبة العيد

أيها النورماليون, أيـتها النرماليات !

أني – و أعوذ بالله من كلمة أني- لسعيد جدا بحلول العيد المبارك جعله الله مليئا بالسعادة و اليسر و البركة. أهنئ بأسمي و بأسم الحكومة النورمالاندية الشعب النورمالاندي خاصة و عامة كل المدونين و المبحرين والمارين و الانونيم وحتى منهم الشتّامين.


أيها النورماليون, أيـتها النرماليات !

في اطار سياستنا الحكيمة القوية الي تمشي ديما. و تحضيرا منّا للبلوة تحت شعار "كف و كعبة حلوة" فأنني أذّكركم أنكم كثّرتولها من التكركير و دزّان البيدق و التقلقيل و ذلك في أطار الشهر الفضيل.

و أما و قد ولى شهر رمضان و جاءنا العيد الايت (light) الي من غير عصبان, فأنني أوصيكم العودة الى أيام زمان : فل يعود بيننا النهش و العضّان و التلهميق و القدمان, وفل يعود للتخطيط كل حفّار كنبان و للقوادة كل شكاي طح..., و فل يتدوهن كل double-face سكبان و ليعود لشوارعنا كل عربيد سكران و للسفسطة كل من يدعي أنه عريف فنّان. و لتعود للتبندير كل اللّجان و ليعود للتبزنيس الفتيات و الفتيان

يعاود يرجع رمضانEn attendant


و انشاله نبقاو ديما ناس ملاح من رمضان لرمضان

و من حاكمكم احلى التحيات ... و السلام

18 commentaires:

Clandestino a dit…

و ديما يمشي...

gouverneur de Normalland a dit…

@clando

و مايدوم حال
:)

SAFOne a dit…

aidek mabrouk w 3achat normaLand 7orra mosta9illa ;P

gouverneur de Normalland a dit…

saFone : merci safone ...winti zeda 3idek mabrouk

3achat normalland wa 3acha ahlou Batwar normalland fari7in :p

Anonyme a dit…

3idek moubarak ya gouverneur w rabbi yba9ik dima fou9 rousna (mada al hayet). rabbi yaba9i moutha9afin bi 5ayr w rabbi m3akom, je suis fier de vous

Tarek Kahlaoui a dit…

عيدك مبروك سيدي الرئيس... و نوعدوك بالتمكسك بالثوابت الوطنية في الأوقات غير الرمضانية... و الى الأمام و الكفاح "الثوري" (يعني ذكر البقرة) مستمر

kmr a dit…

koll 3am wenti b5ir saïdi arra2is, rabbi y3idou 3lik w 3al watan bil 5ir wel barka (al baraka wela berka..?? ;D)

gouverneur de Normalland a dit…

@anonyme : baraka allahou fik ya khouya. Inchallah 3idek ou 7yetek el kol sa3ada ou hana

gouverneur de Normalland a dit…

@Tarek Kahlaoui

si Tarek nchallah 3idek sa3id ou nchallah nanta9el min kifa7 el bgaar li kifa7 thaouri
;)

gouverneur de Normalland a dit…

@KMR

min na7yet el berka ...watanouna el normallandais ya3ouj bil birkat wel gliit wel tab3a !

ya khouya nchallah kol 3am winti 7ay bkhir ou sa3ada

cactussa a dit…

3idik mabrouk wsnin deyma!!!

citoyen a dit…

عيدك مبروك سيدي الحاكم.أنا من الجماعة
الي تموت على الي عندهم سلطة أو حتى الي عندهم مشروع باش يولي عندو سلطة وحتى للي عندو سلطة وهمية ويحاول كل يوم يعمل منها رأسمال رمزي.على خاطر الراسمال الفعلي عملانو صعيب ولازمو برشة حوايج بخلاف الصياح والتهريج .على كل بماأنك حاكم أنا عملتلك هدية بمناسبة العيد باش تضحك وتشيخ علية،أمّالا باش حاكم هو إذا كان ما يضحكش على الرعية،الهدية موجودةعلى المدونة متاعي. وانشاالله تضحك بالهناء والضحك دواء لليعرفوه. وإذا كان ما ضحكتكش قلي على خاطر انجم نعالج الوضع باش نكون في مستوى متطلبات الحرفاء متاعي.ه

nirvanaghost a dit…

sayidi ezza3im 3idek mabrook.. inchallah dima 3ayadi ou hlew kel bachkoutou bte3 el3id...
wallahi mich nesselek haja
avez vous à normalland fil 3id des recettes bte3 hlow.. omi fadedetni bil forja fi hakel mahbool ili dima yadhak bte3 hannaba3al ansahna sayedi ezza3im wa illa fi normalland mattaybouch hlew?... nhib na3ref akhthar 3el hawiya normalliya
wa choukran sayedi za3im 3ala hedha ihtimam.. (long applaudissement)

m0ntassar a dit…

احتراماتي سيدي الحاكم

باسمي و باسم كافة متساكني منطقة دبر راسك (اللي عينو واللي ما عينوش)أتمنى لكم عيد مبارك أعاده الله عليكم و على كافة أفراد الشعب النورمالندي باليمن و البركة

مواطن من ولاية دبٌر راسك

gouverneur de Normalland a dit…

@Cactussa :

انشالله كل عام و انت حية بخير يا ككتوسة. اسف جدا على التأخير

gouverneur de Normalland a dit…

@citoyen :

اهلا اهلا بالكنيّز. يا خويا مرحبا بيك في حوشنا. كل عام و انت بخير

خاطي خوك, لا عندي لا سلطة فعلية و لا وهمية ... و لا فما ضرائب في نورمالاند..الي يحب يتفضل بحذانا مربا بيه و الي ما عينوش ما يدورش بهالموقع

في ما يخص الضحك, راهوا ما تستهزاش بيه على خاطر عندو أسس و قواعد و ما هوش تخابيز و برة. وحتى "التهريج" يا سيد راهوا عندو تاريخوا و قواعدو.ه

في ما يخص ما كتبته فأنا اطلعت عليه و قريت مقال طارق الكحلاوي. و رغم أنني بكل صراحة حسيت الي كتبته خارج عن الموضوع و كأني بك لم تقرأ فعليا مقال الكحلاوي, رغم ذلك فأنا لا أسمح لنفسي لأجابتك مكان محاورك (الكحلاوي) ه

على كل حال أنا كنت مسرور جدا بمحاولتك الجادة الي بعدت فيها و لأوّل مرة عن أسلوب الشتم و السب

شفت كيف تسمع كلامي و تنحي عليك الدخّان ؟

gouverneur de Normalland a dit…

nirvanaghost :

و الله يا كورت كوباين...اش تحب نقلّك

صحيح الي في نرمالاند عندنا عدة حلويات عريقة نطيبوها أيام العيد لكن تعدتلنا مرّة ياسر هالأيامات ...مش مشكلة أحكار و أنما سمعنا بالفيضنات الي جاو للشقيقة تونس و أحنا نحبو التوانسة ياسر في نورمالاند
الي زاد مررهالنا هو أنو أحنا في نورمالاند حزانا و في تلافز و اذاعات تونس نسمعوا كان "اليلة عيد"ه

gouverneur de Normalland a dit…

@ m0ntassar :

اه ...منطقة "دبّر راسك" من أعرق المناطق النورمالاندية و أقدمها تاريخا عندنا

نتمنالك أنت خصوصا و كافة اهالي المنطقة عموما عيد و حياة سعيدة. أهوكا عملنالكم برنامج كامل لممارسة شعاركم "دبر راسك" و ذلك من خلال البنية التحتية الهشة...هاي جايتكم المطر و "دبروا راسكم". و ما تنساوش أوخايانكم و جيرانكم من منطقة "اش باش يسلّكها"ه