jeudi, octobre 11, 2007

المترو الخفيف الواحد خيارنا الوحيد



أصدرت وزارة النقل النورمالندية البلاغ التالي :

في أطار سياسة التقشّف التي تنتهجها الدولة النورمالندية تحت شعار "لين الخسائر" و في أطار احتفالنا بالعيد المبارك, قررنا تشغيل مترو "خفيف" واحد ينطلق من وسط البلاد النورمالندية على الساعة الواحدة ليلا رغم علمنا بأن المغازات و الاسواق مفتوحة كامل اليل و أننا نعلم أن الموطنون النورماليون يخرجون في هذه اليالي للتسوّق و أنهم يعودون الى بيوتهم بعد هذه الساعة و ذلك للأسباب التالية :

- التقوية في لحمة الشعب و العمل لألتقاء كل شرائح المجتمع في مترو واحد مما يدفعهم الى نهج الحوار و تكريس الخطاب الحضاري مثل هذه الجمل "خويا سامحني شوية راك عافسلي على رقبتي" أو "يا انسة شنوة نسميوه كي ولدنا يكبر ؟" وغيرها من الحوارات البناءة بين كل أفراد المجتمع.

- امتحان الاخلاقيات الرمضانية لدى المواطن النورمالندي. فنحن نريده أن يتمرّن –رغم العفس و الرفس و الروائح وانعدام الاكسيجين- على الصبر و الصمود و الابتسال تمهيدا منا لترفيل معضم الشباب في مرحلة قادمة و تجنيدهم أو التقبيض عليهم (اذا كانوا ذو سوابق)

- تدوير الزيرو و التشجيع على التجارة الحرّة من خلال الباعة المتجولون (كاكي,شوينقوم,دخان ...) و من خلال المشترون المتجولون (الذين يشترون الهواتف النقالة و الستوشات و المناقل بدون مقابل).

- افادة المسافر و خاصة منهم الاطفال و النساء (الذين يخرجون لأقتناء لعب و لباس العيد) بتعليمهم –في أطار الرحلة- عدة لغات حية فيتعلمون مئات المصطلحات من الحزام اللوطة تقال و تعاد بصوت عالي على مسمع كل المسافرين لكي يستنفع كل حرفائنا الكرام.

- العمل على راحة قائيدي المتروات و تنظيم أوقات نومهم و عدم إقلاقهم.

- العمل على راحة قواة الأمن و تكريس مجهوداتها في أمور أهم (كال404 مثلا)

- خلق جو ملائم لولاد الحوّم و الاحياء شعبية للتعبير عن ذاتهم تحت شعار "يبكي الام عالجلطام" و احداث مسابقة وطنية بين الحوّم في تكسير السنين و نعلن أن حومة أولاد حي الصحة يتصدرون البطولة ب25 سنة اقتلعت أمام ملاحقهما أولاد حومة حي نقز ب22 سنّة و أولاد الباطوار ب 19 سنّة وذلك في ما يخص التصفيات الجهوية في أريانة(أريانة متع نورمالاند مش متاع الشقيقة تونس).

- تثبيت و تقوية شخصيات أطفالنا المسافرون و تقريب عيدنا من عيد هالوين (عيد الرعب) في اطار العولمة و ذلك بجعلهم يشاهدون أشكالا و أفعالا و أقوالا ممنوعة عادة على الأقل من 18 سنة.

ادام الله شركة النقل النورمالاندي و عيد مبارك لكل حرفائنا.

16 commentaires:

Tarek Kahlaoui a dit…

ياسر هايلة التدوينة... ربي يتولاك... و الله قتلتني بالضحك... تدوينتك و تدوينة كلاندو متع الطوبوية
made my day

cactussa a dit…

ena n3ani mil mitro kol youm .star rabi manzidich ne5thou filil!!!(na7ki 3la mitro icha9i9a tounis).

SAFOne a dit…

aywah!
kiféch chbihom jma3it il batoirrr? :D
ahhh 3al batoir mta3 normalland ta7ki...normal méla :d

nirvanaghost a dit…

:D hahaha très drole bon je remarque ça aussi notre 3id ressemble de plus en plus halloween avec les hommes s'habillant en superman ou spiderman... bon nkolek 3id mabrouk monsieur le gouverneur

24Faubourg a dit…

lool yarham fommek
w nochkrou el houkouma ennormalandya 3al moubedra ettayba hedhi. yahya el gouverneur.

gouverneur de Normalland a dit…

@Tarek :

شكرا يا صديقي وربي يبعّد عليك المترو الخفيف الثقيل متاع نورمالاند
:p

gouverneur de Normalland a dit…

@cactussa :

سترك ربي ...أما مش يقولوا أن المترو الخفيف في الشقيقة تونس هايل و طيارة ؟؟؟ (ما نعرفش مليح الشقيقة تونس لكن ساعة ساعة نتفرج في أخبار القناة التونسية)ه
:p

gouverneur de Normalland a dit…

@ SafONE

لا عاد ...أولاد باطوار متاع الشقيقة تونس تلقاهم ديما متصدرين البطولة الجهوية متاعهم ...مش كيما في نورمالاند متحصلين على المرتبة الثالثة
;)

gouverneur de Normalland a dit…

@ nirvanaghost :

Si on veut produire un film goore chez nous, il ne necessitera pas beacoup de budjets ni de trucages !

Bon Aïd a toi aussi si Kurt ou mar7ba bik fi Normalland

gouverneur de Normalland a dit…

@ 24Faubourg :

شكرا جزيلا و الحكومة النورمالاندية دائما في قدمة الشعب( قدمة: جاية من قدم يقدم,عضّ و نهش , فلوسه طيرهملوا) ه

mahéva a dit…

يعطيك الصحة يا حاكم نورمال لاند. خليت الواحد يشتهي باش يجي لبلادكم و يتعلم أسس المعاملات التجارية و الأخلاقية من المترو متاعكم

gouverneur de Normalland a dit…

@mahéva

شكرا يا ماهيفا ...طلتك غالية و عزيزة. و تتفضّل بحذانا في متروات نورمالاند وقت الي تحب ...و التسكرة خالصة من عند القوفرنير
:p
مرحبا بك في بلدك الأفتراضي نورمالاند

medjri a dit…

Wel kar chniya 7welha ya Gouverneur?
3idek mabrouk en passant! :)

gouverneur de Normalland a dit…

el car ? el car ? el car fi Normalland yelzemha blog wa7adha ma ya7ki ken 3liha !!!

ou zid si les chaffeurs de metro dorment a 1h, jma3at el car yfachkhou ennoum a 21h deja (ki eddjej)

ya sidi kol 3am winti bkhir ou snin dayma !

Sonya a dit…

barra enchalah 3idek mabrouk ou kol 3am weni na9ralek ou ensawatlek fi tn-blog.
BRAVOOOOOOOOOOOOOOOOOOOOOOOOO

gouverneur de Normalland a dit…

انشاله عيدك مبروك سعيد يا سنية

أنشاله ديما تمتعينا بتدويناتك الفنية و بتعليقاتك الثرية و ديما يااا ربي تصوتي ليا و تبقين أبدا نورمالاندية يا فنّانة يا مقدية