samedi, février 03, 2007

مداولات مجلس الزنوس ...القهاوي و الرافل

قرر المجلس الوزاري الاجتماع تحت سامي و أشراف, لكن بما أن سامي و أشراف سمنو ياسر ورزانو ياسر قرر المجلس الاجتماع تحت الندوة ...و الا ..ستغفر الله ...في ندوة ...تي الحاصيلو بالفلاّقي تلموا الوزرة الكل و بداو يتناقشوا ...ستغفر الله ..نقصد بداو ... يت..ناقشوا ! ايه نعم ... بداو يتناقشوا بالضبط !

و رغم غياب أمونة وزيرة التجميل و التسوق لمهمة تسوقية عاجلة ( اشتراء 100 قلوب لكل وزير), كان النقاش حامي الوطيس (بالله ركزوا معايا على كلمة وطيس الي عندي برشة نحب نبلاسيها و ما ستعملتهاش من الثالثة ابتدائي). حيث أن (هذيا تعلمتها في الرابعة) الحوار كان اتجاهي-معاكسي (نعت جديد يعود أصله لبرنامج الكلو عرك في قناة الجزيرة) خاصة بين سنوسي-وزيرة قوات الفوضى- ومشاكس- وزير العرك و المشاكل- الى أن تدخلت أركيا -وزيرة القهاوي و الحكايات الفارغة- لطرح مشكل الاكتظاظ في القهاوي مما أجبر الوزراء الكل على عصران مخهم لإيجاد حل ! و كل واحد بدى يجبد لروحوا :

- وردة الشوك –وزيرة التعليم الواطي- اقترحت إجبار أحباء الكابوسان على.. كبسان رواحهم في القراية ...و إجبارهم على دروس ليلية إلى جانب الدروس الصباحية...الحاصيلو دروس كلديمية (يعني كل ديما)

- عزمون –وزيرة الدّالة و البالة- اقترحت بناء قهاوي جدد و بين القهوة و القهوة ديراكت

- سكان –وزير البرانية- اقترح بعث شبابنا من المولعين بالولعة و الجبّاد الى الخارج في اطار تربصات في التمرويح

- 24فوبور –وزيرة المالية- اقترحت تفعيل استراتجية "جبّاد لكل العباد" و الي تتمثل في اشتراء شيشة لكل مواطن باش يشيّش في داروا و المعسل –بطبيعة الحال- يجي مع الشهريات ...يعني كل 5 شهور !

- حسام –وزير الألعاب- أكد انه ما يفيد فيها كان ستراتجية "الشعب يحب اللعب" من خلال تنظيم بطولات وطنية في الغميضة و الشدة...و العبة عالشرب ...و هكا الناس الكل تشرب في وسط اللعبة و كيما يقولوا ...."لعّب الناس وهم يشربون"

- الاقتراح الأخير هو إلي نال إعجاب و استحسان الناس الكل و هو اقتراح عفوي جاء من عند سمسوم –وزير السوق السوداء- الي حب يبيع كميّة من الرّفالات(بريزرفاتيف) تعدات صلوحيتهم لزملائوا ...هذا ما ذكّر الناس الكل في تقنية قديمة لتفادي الاكتظاظ في القهاوي ...و اسمها...الرافل ... المر –وزير الدوسيات الراقدة- بربش في دوسياتوا و رجّع فن الرافل حي يرزق ...و الي عندوا بوق و الا عندوا بافل يعيّط ويقول راهوا رجع الرافل !

اذا بعد هالاجتماع الوزاري ...يعود القرار النهائي ليكم أنتوما - أعضاء مجلس الزنوس- لقبول مشروع القرار و إلا رفضه و السلام !




16 commentaires:

Unknown a dit…

ena bi me anni ma n7ebbech erriadh, nchaja3 errafel, ou madhabina, na3mlou 7aja esmha auto-Rafel, kifech, hedhya ya sidi, elli ya3raf we7ed mel 3ayla, wella sa7bou, wella jarou, lezmou yetraffel, yemchi yechki bih, ou hakka, tokthor el 9weda, ou men 7inek 3ad, twalli 3ark ou machekel bin ejjiran, haou chka bik, haou nechki bik.... ou ena n9oul dima, lezemna ennidham 7atta fil 3ark, donc, na3mlou dawrat ta7sisya wa takwinya, n3allmou fihom enness le9weda wel 3ark, ou zeda na3mlou osbou3 watani letarfil el a7bab wal 3ark ma3a al ass7ab!
ch9awelkom?

Anonyme a dit…

ana enchajja3 el hamla ou koll wa7ed 3andou a9al men 9/20 fel mo3addel 3andou cadeau chicha et abonnement 5 ans fel 9ahwa ebleche ou ya7aya ouzir el chihca wel tarfih

Gouverneur de Normalland a dit…

@mochekes : hayel yesser ya saied el wazir el 9ararat elli bech tattakhidha ..juste n7ab nzid 7aja : na3mlou 7amlat tarfil li awlaad el wizra ou awlaad el ghniin wel 9nannouet ...ou ma naktafiwich bi tarfil el mzammar ..ou hakka nodhomno barcha 3ark idha ma 9aametech 7arb kaamla ..ou zid wzir el rachwa y3abbi khazzintou belgdaa ! ech kawlkom !

@anonyme : ya khouya 9addam rou7ek ou mar7ba bik fil el majlass el wizari mta3 Normalland, fikra hayla ...na3mlou abonnement li tachji3 mantouj bladna : echicha tofaa7 !

Anonyme a dit…

fammechi poste mta3 wzir zl siye7a wal voyaget ?

madha biya na3mel 7aja limasla7at el watan

Sami III a dit…

puisque je suis le seul citoyen, je dis NON au rafel, j'ai pas passé mon service mille... et une nuit encore :'(

chady a dit…

chady eddawla wzir esbitarat wejbeben est faché parce qu'il n'as pas été invité à la réunion lé jetou limouzine wala 7atta ambulance

SNAWSI a dit…

Kifech ismi maktoub wena ma7dhartech lejtime3? yekhi jebtouli remplaçante " sosie" mete3i ?
Hedhi ichafafya illi ta7ki aliha 3arfi il gouverneur?!

Ok, madem il le3ba wallet hakka, ataw enbalbaz ha alikom il koll et tawa enchoufou il rafel illi bech na3mlou :P

Gouverneur de Normalland a dit…

@stupeur: ya khouya mar7ba bik fil el wazara ! wazarat el siye7a wal voyage testanna fik ! chayyekh rou7ek bel ta7wass ...fi massla7at el waran ! ;p

Gouverneur de Normalland a dit…

@Sami iii : le seul citoyen de Normalland mazzal ma tchaddach fi rafel ??? ech ya3mel wzir el doussiat erra9da ...ataw nkallmou ena7ilou w..walla rahou ra9ed ...to nkallmou ghodwa !

Gouverneur de Normalland a dit…

@Chady : mar7ba bsayad wazir essbitarat wel jbaben ...ya9a3ou el i3len 3an tassmiiatikom fi 9arar la7e9 ..ahwka bellhi bel mounassba tfaham inti ou 3azzraiil bech tfadhmou raafel ykhoss el 3zayez !

Gouverneur de Normalland a dit…

@Snawsi : Nchim fi in9illab 9a3ad yetassna3 wraa dhahri ! EL KOLKOM TIKERHOUNI OU T7ABOU BLASSTI ! SNIF SNIF SNIF !

Sami III a dit…

@gouverneur mté3na: "to nkallmou ghodwa" mélla karkaaar!!! "EL KOLKOM TIKERHOUNI" peut etre parceque mékéch tékhdém fi khédma mouch normal, c'est pas normal ça!

chady a dit…

@snawsi : na3mlou 3lih in9ileb bel7a9? walla na3mel rafel wa7di 3al les gouverneurs

chady a dit…

@snawsi : na3mlou 3lih in9ileb bel7a9? walla na3mel rafel wa7di 3al les gouverneurs grrrrrrr

SAFOne a dit…

Rafel ? malla sira 3asssbééééé777 !!!!
éna je vote lééééééééééééééé33333; 5aliwna Trankille !

Anonyme a dit…

Sbaa7 el khirrr ... Sam7ouni khlatett emmakherr 3al ijtime3 !!! kont ra9ed w mra9ed m3aya zouz wala 3 doussiette !! wallah chay ya3mel el kif !!! ... ya Mr le Gouverneur emmchi 7wija taw njiblek doussietthom bethabett hathouma jma3ett el in9ileb eli ya7kiw !!!