dimanche, avril 06, 2008

عودة محافظ نرمالاند الشرًير الى ربوع البلقسفير


في يوم مشهود, عاد خاقان البحر و البر و ما بينهما, السيد محافظ نورمالاند, عاد الى ربوع البلاد النرمالاندية بعد غياب دام أشهر عديدة
   
و في خطاب حكيم و شديد البلاغة , كما عودنا فخامته, تصدى سيادته الى المشككين في نزاهته مكذبا الشائعات التي زعمت اختلاسه مال الدولة

و اليكم الخطاب




ايها النرماليون ايتها النرماليات

اني لسعيد جدا بلقائكم مجددا بعد طول غياب

نعم لقد فصعت بالكاسة ... و ما المشكل ؟ لماذا تقحرلي آنت من هناك ؟ اتريد ان اجبد لك عيناك ؟
نعم لقد فصعت بالكاسة ... لكن هل انا آول من يفصع بالكاسة في بلادنا ؟
تي ماهو لقد ذهبت الى الحمّام وقتها ... جئت لاحك لحمي فضربت على الكاسة متاعي فلم اجدها ؟ من فصع ب.......أم كاستي ؟ اشتريتها بالغلاء و الكواء من سوق سيدي عبد السلام ؟؟؟ كرَزت و قتها ... فحلفت بالحرام أن أفعل بالمثل ... ففصعت بكاسة نرمالاند

قضيت اياما حزينة بعيدا عن البلاد النرمالاندية ... كنت بين منزلي في سويسرا اتزحلق على الجليد و بين منزلي في الباهاماس أعوم بحري و أنا أخمم في نرمالاند و في الشعب النورمالاندي ... تامني ؟ كنت لا أنام الليل ... من بواطة الى بواطة ... و أنا همي الوحيد هو أنتم

خممت فيكم ... و قررت الرجوع و في جعبتي الكثير ... لماذا تضحك أنت من هناك ؟؟؟ باش حامبة ... قوم باللازم 

قلت اذن ... خممت فيكم ... و قررت الرجوع و كلي عزم على ... الترفيع في سعر المازوط و سعر الحليب و سعر العجين و الأسعار جملتا و تفصيلا ( ماعدى سعر الطاحونات) و قررت الترفيع في الاداءات على النقل و على التحرك و على التنفس و غيرها من الاداءات ... و هكذا المرة القادمة عندما أفصع بالكاسة ... لا تنتهي فلوسي في أشهر 

لكل ذلك ... أدعوا كافة الشعب النورمالاندي الى المنادات و المناشدة و التقريق بشخصي لأعود الى حكم البلاد النرمالاندية ... و حتى و لو أنتم لن تناشدوا فسأجد لحَاسة و بندارة يوالونني ... و حتى لو لم يواليني أحد ...أنا قاعد فوق قلوبكم ...أحب من كره و كره من أحب 

و سيروا ...لا نهبطلكم البوب و السلام عليكم و رحمة الله و بركاته

16 commentaires:

Bel Malwene a dit…

هذا وقد بادر سيادته بإلقاء العديد من الخطبات الأخرى ... نوافيكم بها في نشراتنا القادمة ...
مرحبا بسيادتكم من جديد يا فخامة الحاكم ... وإننا لناشدكم زنس مناشدة ما فماش لكي تقعودو على رأس دولتكم وأدامكم الله في تلك القعدة ... وأمّا بنسبة للكاسة فبـــــــول عليها سوف ندبر كاسة أخرى من حمّام سيدي محرز...لا تغب علينا مرّة أخرى فأنت القائد والرمز والإنسان
من كوّاشكم الوفي و تلفزتكم الكوّاشة "تلفزة بالملوان" هههههههههه

Anonyme a dit…

هههههههههههههههههههههه
وقد ازدانت الطرقات باللافتاتو ترحيبا بقدوم فخامة الحاكم وخرج الشعب عاري ولابس يزغرط ويغني يا مرحبا بأولاد سيدى صلو جماعة سلو سيوفهم لامّعة
حللت اهلا ونزلت سهلا وبرشة تبندير آخر كنت ناوية نعمل انقلاب ياخى هاك جيت هههههههههههههههههه

البرباش a dit…

و في هذا اليوم المشهود، لو يذهب برباش و بربوشة إلى البلوغسفير...
ها هما وسط الناس يرفعان الأعلام و يصيحان: تحيا النورمال لاند، يحيا القوفرنور... بالروح و الدم، نفديك يا قوفرنور
---
عودة ميمونة

psynaj a dit…

aya mar7bé bik :)

Gouverneur de Normalland a dit…

@bel malwene

ان مهمتكم لجسيمة جدا لتبهيم الرأي العام و نحت صورة مغالطة للوضع في البلاد النورمالاندية
واصلوا في التبندير و اتقان اللغة الخشبية و ادام الله التلفزيون النرمالاندي في خدمة الحاكم

Gouverneur de Normalland a dit…

أرابيكا

ههههههههههه

شكرا يا سلطانة العرب على حفاوة الترحيب
بحكم خبرتي في الحكم ...شميت انقلاب جاي ...ياخي هاني رجعت ساقيا أعلى من راسي (تعبير مجازي راهو)ه

Gouverneur de Normalland a dit…

@psynaj :

content de retrouver ma psy favorite

si seulement les dictateurs du monde avaient une psy a portée de main, le monde ne sera sans doute pas pareil

Gouverneur de Normalland a dit…

صديقي البرباش

شكرا لولائكم الدائم للقوفرنور
فل نبربش سويا في حكايات نورمالاند

فل يعيش التبربيش

psynaj a dit…

oh que c'est gentil :)

Clandestino a dit…

Welcome back your honor
;)

Gouverneur de Normalland a dit…

@clandestino :

heni raja3lek ya clando

mazelt takhtafi kiff el 3ada ?

a bientot mon ami

cactussa a dit…

ahla bil pirate de la mer!!!
ti no9sod le gouverneur!!!

Gouverneur de Normalland a dit…

@cactussa

ahla be hendi

ti no9sed el cactussa

;p

merci beacoup cactussa et a bientot

Anonyme a dit…

أيه مرحبــــــــــا يا سي القوفرنيــــــــــر ! فيك وحشة ! يا ولد !
قاسم

Gouverneur de Normalland a dit…

@exmouslem : c'est quoi que cette dissertation que tu envoies sous forme de commentaier ? avec tout ce que tu as ecrit tu as de quoi remplir ton propre blog

Gouverneur de Normalland a dit…

@kacem : ahawka j ai reouvert le blog aux anonymes pour un petit test. j espere que tous seront au niveau et que je ne serais pas obligé de refermer.

merci Kacem pour tes mots gentils et j espere voir bientot ton propre blog ... je suis sur que cela sera interessant