jeudi, avril 24, 2008

قرار مجلس الزنوس : المحافظة على لفظ حاشاك

في اجتماع انعقد صبيحة اليوم، قرَر مجلس الزنوس النرمالاندي في اطار مداولاته، قرَر المصادقة على مشاريع قوانين نورمالاندية ، و لعل من ابرزها احداث وزارة جديدة وهي وزارة اللوغة و المحافظة علي التراث (انشدد علي ان كلمة لوغة بالواو بمعني : فلان ضرب اللوغة على فلان اي بروله )ه

و تعتني هذه الوزارة بالمحافظة و ترميم تراثنا العريق في كل ما يخص اللوغة 

وطالب سيادة الوزير في خطاب حماسي, طالب بتكاتف الجهود للمشي قدما نحو صرح الحداثة و تطوير مكاسبنا في اللغة الخشبية (و تعتبر بلادنا النورمالاندية من البلدان الاولى عالميا في هذا المجال) وفي نفس الوقت المحافظة على تراثنا اللوغوي الرائد.ه

و قد اذن سيادته, محافظ نورمالاند, اذن بانطلاق حملة لترميم عبارة حاشاك في الجمل النورمالاندية.ه


حاشاك

تعتبر كلمة حاشى كلمة رائدة و هامة في اللوغة النورمالاندية. و تعاني هته الكلمة من اهمال و نسيان من طرف النورماليين و النورماليات.ه

أصل الكلمة : كلمة حاشى هي كلمة عربية الأصل من حاشى و تحاشى. فلان تحاشى فلان أي حرص على الهروب منه. و تستعمل الكلمة في اطار ديني من خلال عبارة حاشى للله.ه

كيف استعمل كلمة حاشى : في اللهجة النورمالاندية يستعمل اللفظ عموما:ه

١- مسبوقا بمصيبة

فنقول : مرض بالجدري حاشاك , عندوا العذر حاشاك, هبط عليه الفيسك حاشاك, ضربو سومي رومورك حاشاك ...ه



٢- مسبوقا بأمر نتشاءم منه

نقول : عطيني الملح حاشاك, مد الفحم حاشاك, تقولش عليه ضربوا جن حاشاك, تقشر في الحوت حاشاك, في التوالات حاشاك



٣- مسبوقا بشتم

نقول : تي شبيه بهيم ؟ حاشاك , نععععن ****** حاشاك



الألفاظ المجرورة : نقول حاشاك و حاشى قدرك و حاشى عويناتك, و حاشى حناكك ( اذا سبقت بكلمة خازوق أو ببعض الافاظ الغير لائقة التي لايمكن ذكرها هنا) و حاشى نهار الجمعة و حاشى هالشهر الفضيل, و حاشى المحل, و حاشى أمك, و حاشى بوك, و حاشى أختك,و حاشى و كلاَ,و حاشى الرجال و حاشى من يعدي, و حاشى سيادة الرئيس ...ه

الالفاظ المشابهة : نحذر النورماليون ان هنالك متشابهات لهذا اللفظ ليس لها أي صلة بعبارة حاشى 

أمثلة : حشيش, حشيتو, حشواجي,حشَام,حشاشة, حشومة, حش الحشيش, حشربلك دمك ...ه

و نطالب كل مواطن نورمالاندي المساهمة في دراسة هذا اللفظ و ابراز كيفية استعماله كما نشد على ايدي الشباب النورمالاندي لأستعمال العبارة في جمله


و السلام, أنا ماشي ******* حاشاكم

8 commentaires:

mandela a dit…

ya ra2iss jomhouriyett normaland
ne9tara7 3lik wena refugé politik fi jomhouritek tar7 kilmet bikech wa bikomch litadewl 3la nouweb barlamen enormalland
wallaho lmowafe9

foufou08 a dit…

C'est une belle nouvelle, maintenant il faut que le nouveau ministère contenu sur cette voie parce qu'il a beaucoup de choses a réglé.

أرابيـكا a dit…

أنا ما فهمتش حاشاك وحاشا قدرك يا محافظ علاش توة فقتو بيها ها الوزارة تى الناس من قديم الازل وهى غاطسة في اش اسمو حاشاكم للوذنين اى عاد أكبسلنا روحك وفيق للبلاد متاعك والا باش تمشي زيزي حاشاكم :)))))

Kibitz a dit…

واحد صاحبي فرانساوي كان نبهني قبل للفوائد الجمة لاستعمال الكلمة
قال لي هذه كلمة عجيبة تنجم بعدها توصف الي قدامك باقذع النعوت من غير ما يتغشش عليك

Gouverneur de Normalland a dit…

@mandella

اللى المجاهد الاكبر مندلا, أخذنا بعين الاعتبار اقتراكم و سيقع طرحه أمام مجلس الزنوس

وشكرا

Gouverneur de Normalland a dit…

@foufou08

le nouveau ministere fera de son mieux pour user de sa langue de bois et pour remettre en vie des vielles expressions

Gouverneur de Normalland a dit…

@arabicca

ماهو الي يخدموا في المجلس حاشاك و حاشى من قدامي,*****و كركارة

yes_in a dit…

نتمنى ك مواطن متداول على ال أمور ال سياسية ل نرمالند انو ال وزارة هاذي ال جديدة بش تكون إنجاز لكافة الشعب و خاصةً ل اصالتنا و طابعنا المهدد بثقفات عريقة طاغية حشا ثقافتنا ( إستعمال ساخر للعبرة)

شكراً