jeudi, octobre 15, 2015

الوقت الضائع


لو كان نسرق من حياتك
لو ساعة في العام
لو  كان نسمع بسماتك
و رنة الكلام
لو كان نشوفك ...
تحكيلي حاكيتين
يتخلطوا بضحكاتك
يتقطعوا بدمعاتك
بتنهيدك بعراكك
تسامحني خزراتك
و نموتوا الاثنين

و نموتوا عشاق
بين جردة أريانة
و بين بيت آخر طاق
و تحكيلي  و تبوس
على بلادنا التعبانة
و على ناسها العريانة
المحرومة الجيعانة
لا عيشة و لا  فلوس

و حكاية قطوس
قابلته في الشارع
يتعارك يتفارع
وكلته  وربيته
و سميته الدحنوس

توحشت حكاياتك
و موسيقى غناياتك
توحشت حتى سكاتك
لو دقيقة من حياتك
نشريها بفلوس

اعطيني دقيقتين
نحب نسمع بسماتك
و دقة نبضاتك
انشاركك حياتك
و نموتوا الاثنين


2 commentaires:

Lynda Benmansour a dit…

très touchant poème. elle est chanceuse.
je viens de découvrir votre blog. le contenu est très varié. une belle découverte en fait.

Gouverneur de Normalland a dit…

Merci Lynda. Content que vous aimez mes écrits.