jeudi, février 25, 2010

لينا ..وليك ربي يا عمار

بمناسبة المولد النبوي الشريف و بما أن عمار رجعله الحنين لخدمتو الاولى (طهار) استرجع خونا عمار المقص متاعه و لعج على مدونة رفيقتنا في التدوين و صديقتنا لينا

حقيقتا امر مزري و مخجل حكاية هالموجة الكبيرة متاع الرافل الافتراضي ... تحس الي الجهل قاعد ينخر في البلاد من داخل و ان اهل العقول و الحنكة و الدراية و النظرة البعيدة المدى في كونجي برولونجي و قعدوا فيها كان فروخ تتناقز يسكروا و يحلوا في المدونات على مجازهم

الأدهى و الأمر الي فما حيوانات ياسندوا في سياسة الحجب و عاطيين شرعية لتصرفات واحد كيفما عمار. للناس هذوما الي اتخذو منهج الانتهازية و العهر الفكري نقوللهم كان جاء عندكم شوية بعد نظر راكم عمركم ما تتصرفوا بهذه الطريقة و البهامة متاعكم بش تشدكم نهار ..كيما الكحة ...تخرج بأعلى صوت مليانة بالفيروسات و تتفضحوا قدام خلق ربي الكل

ما فماش سلوم بدرجتين يوصل للسماء ...يا سي السماء ...و حتى كيف يبدى ماشي في بالك قاصص قصة عربي ...تلقى روحك ضايع في الطريق .. على خاطر بلاصة مش بلاصتك..بل بالعكس تزيد تحس ببهامتك مليح مليح

نطالب من هذا المنبر أعادة رسكلة عمار و كلاب عمار ...ينجموا ينفعوا البلاد راهم ...كان نستثمروهم في مجالات أخرى ...كصبان الدالة ...في بلاصة صبان الصبة ... و الا يشرفوا على ادارة طاحونة من طاحونات بلادنا و يساهموا فعليا في صناعة الخبزة ..خير من الي يتمهنوا مهنة قطعان الخبزة و قطعان أفكار الناس ...يقطع لحمهم انشاء الله ...قول امين

1 commentaire:

Hamadi a dit…

آميـــن
مولد مبارك