dimanche, novembre 18, 2007

الفرق بين الي يسّبو و الي ما يسبوش ...بوش

أيها المواطنوش

أنني مع جورج بوش

و الي عجبو عجبو

و الي ما عجبوش

نشكي بيه البوش


أيها المواطنوش

أننا ندعم أصحاب الكروش

و نهمش هاك الحوّم و العروش

اش قولكم؟؟؟ ...بارد الدوش ؟

و الي عجبو عجبو

و الي ما عجبوش

نشكي بيه البوش


أيها المواطنوش

نحن ...نحب الي ما يهموش

و الي ما علبالوش

و الي راسو فيه بابوش

و انتوما ....دوّنتوش ؟

احتجيتوش ؟

عيطوش؟

خريتوش ...؟؟؟

تضامنوش ؟

تضاهرتوش ؟

علاش امالا نكوّن في الجيوش ؟

باش نهارة الي تهيجوا ...

يدوّروها كرتوش

و نهارة الي تغلبوهم...

نشكي لجورج بوش


ايها المواطنون الهوش

ايا طبسطوش ؟

ايا انبطحتوش ؟

ايا صفقطوش ؟

ايا خرجو المليمات و القروش

كل واحد يسلّم املاكه وهو بشوش

ما نجمتوش ؟

سلموهم و انتوما تحت الدوش

علاش ما تسكروش ؟

علاش ما تزّطلوش ؟

علاش ما تتخونجوش ؟

علاش ما تتقاتلوش ؟

علاش ما تتسابوش ؟

و اذا تسبوني

نشكي لجورج بوش



24 commentaires:

Anonyme a dit…

بااااااااارد الدوش
بارد
بردوش

Kibitz a dit…

شنوة قوفرنور
دخلت تحت الدرابو؟

Kibitz a dit…

Je plaisante :-)
Sympatoch el message ;-)

Gouverneur de Normalland a dit…

@arabiccouch :

بارد بردوش

و ... يمين البكوش, يموت و ما يقولوش

Gouverneur de Normalland a dit…

@ kibitz

علاش ..انت عندك حاجة ضد سيدنا بوش ؟؟؟

شاي للله سيدي جورج بوش

:p

Clandestino a dit…

باهي سيد الحاكم
هاذية يسميوها خيانة لا تغتفر
تحفلوها وحدكم و ما تقولوش

Mariouma a dit…

ahla gouverneur
mahla ha post
chnoua 9libt el vista?
apparemment il ne nous reste plus ka faire ça tawa ;)
saha essohba ejdida
ou rabi yfathalkom leb3athkom jolie photo ( j'ai utilisé la meme elyoum) :)))
bonne journée

Mariouma a dit…

ah goubverneur, comment je fais pour avoir la nationalité normalia???
ou chbi el b9ya chez sonia free et lass?
ahna ch3ana hakeka???
:)

Gouverneur de Normalland a dit…

@clando

اش تحب نعملولك يا كلاندو قد ما لحلحنا البارح باش تزيد تقعد ما حبيتوش...دورناها دوش و علوش و بابوش

قلنالك بعد نصف اليل متاعنا خير من بعد نصف اليل متاعك
:p

Gouverneur de Normalland a dit…

@ mariouma :

مريومة ..تي وينك يا طفلة باريزية و الا تونسية ؟

قلبان الفيزتة علدة حميدة عند أصحاب الكروش ... ونرمالاند من أولها أعلنت قربها لأمريكيا

الجنسية النرمالاندية عندك من مدة ...أي أنسان يدخل على هالموقع يعتبر نرمالاندي

بالنسبة لحكاية المدونات ...عملنا هبلة فنية في سياق حديث عالمسن بقيادة نوفراج و بمساهمة العبد لله و ارابيكا و لص رقم واحد و فريرايس و قررنا باش نكملو "نوبتنا" على مدوناتنا

نذكرك و نذكر كل المدونين و المارين الي فما فيلم نهار الأثنين مع الستة
ايا تجيو ؟

Kibitz a dit…

ابدا و لن يكون
انا نلوي العصا في يد سيدنا؟

صيدنا بوش الهمام موحد الجيوش
زادم على الامم قاهر الهكشوش
ترضو ما ترضوش هو ما يهموش
لوكان ما تطبسوش وتمدو الفنكوش
يجيبكم للثنية ولو بالكرتوش

Gouverneur de Normalland a dit…

@kibitz :

امالا هاك حزت على وسام شرف البلاد النورمالاندية

هاااايل الي كتبته

Mariouma a dit…

@gouverneur
kibitz 3ando il wissem ou wenti je vais t'ajouter dans ma liste fétiche de blogs ;)
saha likom jm3et msn
houtouni maakom
mbalouna@yahoo.fr :)
merci pour la nationalité
je suis encore tunisienne
à quand lama fi tounes pour un café?
freerace m'a parlé de ton film
je voudrais plus de détails stp.
tiens moi au courant

Werewolf a dit…

شنوة ها الحركة الخماسية المفاجئة و كيفاش كلاندستينو يجي على برة...ماظاهرلي كان تعملت قبل قصيدة شائية...كل شيء ممكن في نورمال لند...مافاها باس كان توضحلنا أكثر حكاية نهار الاثنين و لا نمشي نشكي البوش

Kibitz a dit…

شكرا يا صاحب الفخامة
ان شاء الله نكون عند حسن الظن

L'AsNumberOne a dit…

el far9 bine elli nejhou welli manej7ouch....

BoZtMan a dit…

uuuuh ma 9la9touch
mil les rimes en "ouch" ?
Yékhi ma tkhafouch
lé yetnafkhouch ??

Gouverneur de Normalland a dit…

@ mariouma :

merciiiiiiiii mariouma c tres gentil de ta part ce que tu fais ..concernant le film !

Gouverneur de Normalland a dit…

@werewolf :

الحكاية و ما فيها أن الفيلم القصير "عين الشماتة" باش يتعرض نهار الاثنين مع الستة متاع العشية ...مخرج الفيلم باش يقدم الفيلم و انا و مريومة و عدة مدونين باش نكونو امام القاعة قبل العرض و باش نشربوا قهوة بعد العرض
أيا تجي ؟؟؟

Gouverneur de Normalland a dit…

@Boztman :

la ma nkhafouch ...ki nkhafou en3aytou el bush !

Werewolf a dit…

@Mr le gouverneur:
بحول الله نجي

chevi a dit…

envois moi un certificat d'hebergement !! je viens ?

Big Trap Boy a dit…

حلو البوست، توة وين قريتو

بالرغم اللي عندي مدة نقول لازمني نقراه

وما قريتووووووووشششششش

:)

Gouverneur de Normalland a dit…

@BTB :

Aya nechki bik el boush ???
:p