dimanche, septembre 23, 2007

بقداش ؟



معلّم ... بقداش تبيع القطة معدنوس

- ب 900 المعدنوس

- موش ياسر 900 ؟

- يا خويا هذاكا السوم ...

- والسفنارية ؟ بقادش تبيعها السفنارية ؟

- السفنارية على 1200

- يا خويا ؟ علاش هكا ؟ اسوامك نار ...

- صديقي ...كان عجبك خوذ و كان ما عجبكش توكّل ...

- باهي ... بقداش تبيع روحك ؟

- ببلاش

- متأكد ؟

- شنوة متأكد ؟ وين يدور بيا الريح ندور ... نعمل الي تحب ... ما عندي حتى مشكلة ...

- ...

- ماكش مأمني ؟ يا ولدي ماعنديش مشكل ! انجم ننكر اصلي, نسلخ روحي من جلدتي, نبزق على أهلي و ديني وعلى الي رباووني ...عادي جدا !

- تبيع روحك ... و الكراء ... تكري و الا ما تكريش ؟

- عجايب ؟ توة نقلك قابل نبيع روحي ... و تسأل فيا على الكراء ... يا ولدي كان لزم نقلب الفيزتة قد ما تحب و نتقلب مع الاشكال الكل ... اليوم نعيط و نشكي, غدوة نسب و نقشتل و بعد غدوة نشكر و نمجّد ... تقولي الفيل يطير نحلفلك و انبصملك بالعشرة انه يطير و زيد نشهد قدام الناس الكل اني ريتوا بعينيا الزوز يطير ...راني لا نحشم و لا نجعر

-ممكن ...

- مازلت ماكش مصدقني ؟

- مصدقك في برشة حاجات ... لكن هذية "بلاش" ...هي الي ما دخلتش المخي ...

- تي ايه "بلاش" يعني من غير مقابل مباشر ... حويجة قليلة ..قضيان مصالح و الا شوية امتيازات ... تي اللخرة الناس تحكي عليا و نتشهر ...فيه مئة بركة !

- شفت ماهو ؟ هاو طلعت موش بلاش ...

- تي تقريبا بلاش ...عل كل حال سومي أرخص مالسفنارية و المعدنوس ... أيا باش تشري و الا لا ؟

- ايا .. انت و المعدنوس و السفنارية ... وفقة ... بقداش تحسبهملي ؟

5 commentaires:

Clandestino a dit…

looool
femma chkoun ybi3 rou7ou b'ka3ba fa9ouss 5adhra ( sam7ouni fel kelma )

POPO a dit…

:)

Bien que ça fait rire, mais c malheureux. C réel.

gouverneur de Normalland a dit…

@clandestino : je ne sais pas si cela existe ...mais dans l'hisoire que je presente, el khadhar ybi3 rou7ou ou ybi3 fil fa99ouss lel néés :p

@popo: oui ..c'est vraiment malheureux. mar7bé bik dans ton nouveau pays virtuel : Normalland

Tarek Kahlaoui a dit…

بالرغم أنها حكاية ذات طابع مسرحي و قصيرة إلا أنها ما تقلش حكمية على حكاية خونا الكلاندو... عودة ميمونة للتدوين يا يا خونا الحاكم

gouverneur de Normalland a dit…

@tarek : merci Tarek. vraiment gentil de ta part.