mercredi, juin 20, 2007

البزّول و الغزّول و علاقة الي ماعندوش زروص بالفول


يا سادة يا مادة يدلنا و يدلكم للخير و الشهادة. يقولوا جدودنا " الربيع ربّع و اللبن قراس ... و الي عندو طفلة يهزها الى ترّاس" بمعنى ان الربيع فصل ال لامور ..عفانا و عافاكم الله ... و قبل ما تكلب بنتك و يدور بيها أول سلوقي في الدورة, صونها و عرسلها. لكن الي ما جبدوش عليه الجدود هو الي ما بعد الربيع ... وقتلي الترّاسة شادة القهاوي و وقتلي الي عندوا طفلة يعطيها ل ...روتانا كليب (كلب انشاله !) ... و زيد يتعدى الربيع و تسخن الدنيا ... و الكل يقلع !!!


اش يصير تراه ؟؟؟ و قتها يا جماعة ؟ وقتها النورماليون يضبعون !


- كانك على الانثى تمكنهى السخانة الملموسة ... و يبدى عاد كل شي على برة ... و تبدى تتفرّج على ما طاب لك من الشلايك ! و الشلايك –يا جماعة- أنواع ! تلقى الشلاكة العادية و تلقى الشلاكة بو صبع ( الي تلقاها مركبة سترينق اوبسيون) و الاّ الشلاكة الشفافة ( الي تعرف قداش عندها من بوستخالة في بدنها الكل) . سخشيا- و أعوذ بالله من كلمة سخشيا- أنا نعمل بون كيف على هاك البنات الي يبداو يلبسوا مراول بالكتيبة ! و جينيرالمون, ما يكسروش راسهم باش يعرفوا معنى الكلام الي حاطينوا على بزازلهم ! الي كاتبة بمعناه "مسهم تسمع حسهم..." و الي كاتبة "كان عجبوك هاو نومروا التاليفون" و الاخرى كاتبة "شوف بعينك و موت بقلبك" و فلتانة كاتبة "راهم أكبر من طموحك" ايا يا سيدي على كل لون يا كريمة... دازين النية في الهبال زعمة على خاطر الكتيبة بالأنجليز تولي فينو ياسر و يولي مريولها سمباتيك ( تتقرى بحرف "ب") الحاصيلوا ما يوفى الصيف كان ما تولّي البلاد الكل بصغيرها و كبيرها متضلّعين في اناتومي المرأة ... هذايا كان نجّمت تكملوا الصيف !


- كانك على الذكر تمكنوا السخانة المحسوسة أو السخانة المعنوية ... و يولي كيف الثور الهايج, و هو هاجم على الأخضر و اليابس لا تسلم منوا لا بنت عايلة لا بنية مستورة لا مرى كبيرة لا بنت ثناش عام ... صحيبنا يدخل فيها فرندس كيف الكار الصفرة و قتلي تلقى روحها في اوتوروت ! و يحط في مخوا تيورام واحد "كل ماهو أنثى بزنسابل و تبوليدابل و حتى مسّابل" ! يا حسرة على تبزنيس " ابتسامة فضحكة فترانديفون" و الاّ بلادة محفوظات الشارع الي الناس الكل حافضتها كيف درس التربية المدنية عام الثانية ثانوي ( الويتيام بالنسبة للجينيراسيون ال...جديدة) والي تبدى ديما بفعل "يقتل ..." ! لا ..توى في عصر العولمة و السرفيس برسوناليزي , انبثقت تاكتيك جديدة متاع بلادة و هي البلادة الخاصة : تلقاه يلسق لهاك البنية و الاّ يشد جنبها (عادي و كأنه موش لهنا) و يبدى يسمعها ما تيسّر من كلام القباحة و حديث العلاّمة " الجلطام ابن مقحوط" في كتابه "من الحزام اللوطة" في اطار تبادل الثقافات الزنسية متاع الزنوس الي كيفو ! ما نحكيوش على هاذوكم الي مايتكلموش برشا و تلقاه يقرص و يدو تحتو بالمعنى الصحيح للعبارة ... أي أنه يقترب من مؤخرة احدى الفتايات و دون سابق انذار تتم عملية القرص و القرصنة و التلوسيق الي زعمة زعمة عفوي ... و انشاله هاك البنية ماتتكلمش (كيف الاغلبية) على خاطر كان تكلموا يمشي في باله تبزنس فيه و كان حرشت معاه اللوغة يخرجها هيا غالطة هذا كان ما يتعداش عليها جسديا بعد ما يتعدى عليها لفظيا(حاجة عادية جدا في بلادنا و تصير في أعرق العايلات).


نفعني الله و اياكم بأسرار الكتاب, حشرني الله و اياكم في زمرة سيدنا محمّد و سائر أصحابه. أقول قولي هذا و أستغفر الله لي ولكم من كل ذنب فاستغفروه و لا حول ولا قوة الا بالله !

12 commentaires:

Anonyme a dit…

ça arrive tout le temps au métro et même dans la rue qu'un salaud me touche le derrière lorsque je descends ou que je passe à côté! bande de frustré, inchallah rabbi yekassar lihom yedihom !

Missaw a dit…

Ya wess normal rahou el koulou ounormal
w bara mouch normal, iwali ounormal fenourmal land

gouverneur de Normalland a dit…

@anonyme : cela se passe des fois tellement innaperçu ! Il faut entendre les temoignages de quelques femmes pour se rendre compte de la gravité de la situation !

missaw : merci wass :) ou mar7ba bik fi 3além Normalland :)

a girl from Mars a dit…

Ce qui me tue c'est les jeans avec deux mains dessinés sur les fesses, jme demande comment elles peuvent porter ça!!

gouverneur de Normalland a dit…

@ a girl from mars : estime toi heureuse qu'elles n y ont pas aujouté des fleches avec des inscriptions genre "exit only" :) rien ne m'étonne ena fi billéd el normaliiin ! :)

Sami III a dit…

je me demande si je dois rire ou pleurer (oui ça m'arrive :p)

Téméraire V5.0 a dit…

Ktaltni Bedhohk, allah yahdik.

Tu ne viens de dire que la vérité. Ce qui est drole c'est le plastique ou disons plutôt le Silicone, yé khouya, tkoull un ballon de baskett qui va s'éclater.
Ou le Botox, je me demande comment on apprécie leurs baisers, c'est comme si quelqu'un yleklek fi tarf plastik.

gouverneur de Normalland a dit…

@ Sami iii : puisque on parle de dévoilement, 3andek des photos de toi winti lesse9 wa7da fi el metro ?? ;p

@Téméraire : wallahi kothr el ham ydha77ak ya temeraire ! je me demande win mché le "bon gout" !!! ena je reve de faire une serie de photos sur les messages codés sur les t-shirts ...mais c'est trop risqué ...

Takkou a dit…

C'est l'un des meilleurs posts que j'ai pu lire ces derniers mois. Toutes mes felicitations.

gouverneur de Normalland a dit…

@ takkou : merci takkou ! c'est trés gentil ! (bien que tout mes posts sont exellent :p )

Sami III a dit…

lé gouverneur, j'ai pas de photos, car comme tu dis, c'est trop risqué, malgré que c'est pas l'envie ou les moyens qui manquent, la camera est toujours avec moi :)

gouverneur de Normalland a dit…

@sami iii : na3mlou documentaire 3al faza emmela ? :p