mardi, décembre 12, 2006

هذا الجربوع من ذاك الأسد

انا و ولدي , ما نتفاهموش ! أكثر من هكة ...انا ولدي... ما نفهموش ! تقولوشي يا جماعة: " تلقاك ما عندكش وسع بال مع الغشاشر" ... و الا " ماكش مستانس تحكي معاهم" ... أبدا !! أنا اساسا رجل تعليم ...متخرج مللي يقلك l'
ecole normale

عديت حياتي مع المراهقين و نعرفهم بالقدا. و هاك الرويق متاع تكوين الشخصية و الانتماء الاجتماعي و الهوية حافضوا شربة ماء.

قداش من جيل تعدى علي يديا و الكلهم يشبهوا البعضهم :

يبداو يا سيدي فرحانين هذوكم الوليدات بتفتوفة الشلاغم الي عندهم و هاك البنيات يشموا صنانهم و الي تحرقس و الي تنفخ في صدرها و الي " اش اش يا ذبانة ... في الدنيا فما كان انا " ... و يبداو عاد يفهموا علاش القتوسة تمعوق في اليل و الي البهيم ما عندوش 5 ساقين و هلم جرى من المعلومات الي تثبت انوثة الانثى و ذكورة الذكر و ا لا حتى خنوثة الخنثى !

بعد ما يجاوبو على السؤال "انا شنوة جنسي ؟" ...يبداو يا جماعة يتسائلوا ."انا شكوني؟ و شنوة انتمائي"... وهنا تبدى تشوف فيهم كل واحد يلوج على شخصيتوا و هوما كيفما في سوق طبس ... يلبسوا كل يوم شخصية حتى يلقاو قياسهم قد قد .

أنا الي كان يعجبني فيهم في العمر هذايا هو ...( و انشاله ما يسكروش هالblog على الكلمة متاعي ... و نشاله يسامحوني عالكلمة ..الي ما تتقالش ..نشاله ربي يسامحني...).. "التطرف" متاعهم.

باهي ... ما سمعتش حس امريكيا تنقمبل و الا باقا جايا تجري... يضهرلي سّلكناها !

هالوليدات يا جماعة ما يشوفوش بالكولور... يا نوار يا بلان ...و الكلهم ما يتفقوا كان على حاجة وحدة : الي كل واحد منهم يحب يغير العالم ... و هنا تبدى تتفرج و تصلي عالنبي و منهم على ذكر العد لا الحصر :

- الي صايم نهار كامل و يستشهدلك بالحديث و الايات .. و كل يوم يخرج مع المغرب يستريح ... و كان تحل نقاش يستشهدلك بالغزالي و بن عاشور و السادة المالكية و جامع الزيتونة المعمور.

- و الي نهار كامل يدندن في "جيفارة مات" متاع الشيخ امام و ياتاكي في اولاد الغنيا متاع الكلاس و كان هز صبعوا أعرفوا باش يجبدلك يا على ماركس و الا على تاريخ الثورة البلشيفية !

- و لاخر ضايع في حبك درباني ... نهار كامل يخربش في وراقوا و كان تكلم يدخل بعضوا و ما تشوفوا عابس قرنتوا كان باش يقول " علاش نزار قباني مش في البرنامج ؟ يلزموا يموت باش نقراو عليه ؟"

و مات نزار قباني و قرينا عليه الكلنا... الفاتحة ! ... و حطوه في البرنامج ...لكن انا من هاك الأيامات خرجت من التدريس و رجعوني مفقد جهوي لاهي بالبيداغوجيا.

سمعتوها الكلمة ؟ "بيداغوجيا" ... و ولدي ما نفهم من كلاموا حتى شي ! حاولت راهوا نحكي معاه لكن ما وصلت لحتى نتيجة لأن حتى مجرد كلاموا ما فهمتوش.

اش عملت ؟ خذيت الديكتافون متاعي و سجلت اخر محاولة حوار معاه ... ولّيت كيما الي يكتبوا لركن "القلوب الحائرة" في المجلات التافهة ...نستنى في شكون يفهم حاجة باش يفهمني ...

و هاذيا يا جماعة "حوار مع صديقي الي باش يرجعني ملحد" ---> باش يكفرني :



- يا نزار


- وي بابا ؟


- ايجا ولدي نحكي معاك ... قلي اش عامل في قرايتك ؟


- نورمال !


- شنو الي نرمال ؟


- كل شي ! ...نورمال


- ما فهمتكش ...باهي...قلي عندك صحابك في الليسي ؟


- أي ...نورمال... عاملين جو مش نورمال !


- تو ثبت روحك عيش ولدي ... ما نحبكش مذبذب ... نورمال و الا مش نورمال ؟


- تي شبيك كبشت كي قرقنة ؟ الجو مش نرمال ...اما انا نورمال


- يا ولدي اش مدخل قرقنة ؟ ركّز يعيش ولدي ! باهي قلي ...عندك صاحباتك بنات ؟


- نورمال


- الله مصلي عالنبي ..تي جاوبني بجملة صحيحة ! قلي ..شنوا تعرف عالبنات


- كانك جاي تحكيلي عالبرزرفاتيف راني نعرفوا من الثالثة ابتدائي ... و ساعات نتفرج في مولتيفيزون على...


-اسكت ! اسكت ! ما أقل حياك ...هذاكا الي شديت في مخك ؟


- تحبشي أنت... بابا تعرف حاجة عالبنات ؟


- و الله نغسور في روحي في الفارغ مع واحد ما يحيا ش !


- نفدلك ..نورمال بابا


- تفدلك ؟ و الله ماني مسيبك ... حكيلي ... شنية الخلفية الثقافية متاعك ؟


- امان بابا ؟ راني راجل ...ما نوخرش


- ياخي قلتلك اعمل كرينو أنا ؟


- مش نرمال بابا الي تقول فيه ... ولدك راجل !

- و الله ما ني فاهم اش مدخل الرجولية ... و الا قلي ..اش نية مفهوم الرجولية عندك ؟ شكون تشوف فيه الرجولة ؟


- بروف الفيزيك رجولي ...


- يا ولدي نقصد ... لشكون تحب تشبه ؟ شكون عجبتك حياتو تحب تولي كيفو ؟


- اه ... اش خص كان نولي كيما بشار ...


- بشار بن برد ؟


- شكون ؟ لا... بشار الكويتي ...متاع ستاراك ...تلنصا مش نرمال !


- مازلت تعاودلي نرمال و الله لما نلّبزك... باش نبدل معاك الطريقة ... نقولك كلمة تجاوبني بكلمة واحدة ... و ما فيهاش لفظة "نورمال"


- باهي ...نورم...نقصد تفاهمنا


- المسرح


-....الزعيم


- الدين


-...قناة المجد


-الرواية


-....ما نعرفش


- السينما


- روتانا سينما


- الشعر


- ....


- تعرف علاش سميتك نزار ؟


- تشريلنا بابا رسيبتور نحطوه في الكوجينا ؟


- نورمال


- شنوة نورمال بابا ؟ تشريلنا ؟


- نورمال شبابي الي عديتوا في الأيكول نورمال نقرى في البيداغوجيا حتى يطلعلي فرخ ...


- فرخ مش نورمال كيفي ؟







24 commentaires:

Unknown a dit…

moch normaaaaaal :))

chanfara a dit…

أنا"ببا" في سلك التعليم والله اللما نقولو الي قاعد تحكي عليه راهو مش نرمـــــال

chanfara a dit…

autre chose, ce discourt peut etre un bon synopsis pour un court-metrage...:P

Anonyme a dit…

mouch normal

Unknown a dit…

J'ai connu ton blog à travers chanfara... et je ne regrette pas de l'avoir visité...
Parfois je me sens completement dépassé par les évenements... chbih yetkellemn hakka? et il sait que tu as un blog?

Gouverneur de Normalland a dit…

en fait pour te repondre ya "Mouwaten Tounsi", ce pére n'est qu'un personage parmi d'autre dans mon pays virtuel qui s'appelle Normalland.

C'est un pays méconnu et tres influencé par le tien : Tunisie.

tu peux avoir une double nationalité : la nationalité Tunisienne et la nationalité normallandaise !

Contrairement aux autres pays, Normalland aime et adopte les étrangers !

donc bienvenus a tous normallandais et a tous futurs Normallandais !

SaTaNiC_AnGeL a dit…

Moi je veux être un citoyen VIP c'est possible ?? sinon normal puisque je ne le suis pas en Tunisie et mouch normal si j'intègre normalland et je reste un citoyen hakeka w barra :p

Slaim a dit…

je decouvre ton blog, excellet post! en voila le 2eme Trap Boy de la Blogo-sphere

Anonyme a dit…

tayyra!!!!!!!

Anonyme a dit…

hahahaha:)
excellent!

Hatchoum a dit…

j'ai bien aimé
juste qqs remarques, ce que tu raconte est plutot vrai pour les anciennes génerations, nizar kabbani ni cheikh imam ne sont mlaheuresement plus des réferences aujourd'hui les jeunes sont encore plus extrêmistes et moins cultivé, ils adoptent des discours sur les quels ils ne connaissent rien , il y' a deux extrêmes la religion et la vodka attitude ( j'aimerais bien comprendre pourquoi toute cette veneration de la vodka en particulier par ces jeunes pourquoi el vodka bethat ?)
une autre différence, avant il existait un dialogue entre toutes ces tendances, ils s'expriment à travers ce qu'on appelle de nos jours une société civile, les syndicats des etudiants par exemple, dans le campus il y' avait un vrai debat entre les marxistes, les réligieux et les libertains , ce debat etait aussi repris sur la scène politique , par exemple les marxistes se retrouvaient bien dans le discours de ben salah, mestiri ...
aujourd'hui ils sont livrés à eux mêmes ils s'enferment de plus en plus sur eux mêmes, ces attitudes sont "individuelles" elles ne traduisent pas une ouverture vers l'exterieur mais le contraire
ou ya lithom jaou ya9raou nizar kabbani, ya rithom yefehmou les paroles des chansons de cheikh imam, ya rithom jaou ya3erfou ach nia la culture rock drug and sex, leurs réferences se résument à des chaines tele , des series americaines , des predicateurs ... bel 3arbi ethel el sorra hatta 5it ma telkahech

aih ou ach bini nahki ki la3zayez

Gouverneur de Normalland a dit…

Essia : Merci assiouna pour tes encouragements ! tu etais la premiere a le faire !

chanfara : tu es un habitué maintenant et tu es un bon citoyen ! tu peux même participer à la construction et l'epanuissement de Normalland !

Mouwaten Tounsi : t7abchi twalli "mowaten Normalii" ?

SaTaNiC_AnGeL : en fait à Normalland chaque personne a le droit d'être VIP par tour de rôle, citoyen par citoyen ...il faut juste attendre son tour !

Slaim : Merci pour ton encouragement. Moi aussi j'adore le blog de Trap Boy mais je ne veux pas être sa replique ! je veux fonder ma propre vision !

aymen : tu veux pas etre directeur de Normalair ? notre companie de tayaraan ?

a girl from Mars : et toi ? tu veux pas etre la directrice de notre NSA ..heu ..pardon ..on en a pas ..je te nomme plutot ..voyons voir ..ah ! directrice de la production de la barre chocolaté Twiks :p



Hatchoum : je suis completement dac avec toi Hatchoum. Je suis d'habitude dac avec tous les nains !dit..tu peux me filler le numero de blanche neige ?
non c vrai, une trés bonne analyse de la question ! j'ai juste peur qu'on soit nous hors-jeux et meme vieux-jeux ... peut etre que cette generation est prodigieuse mais que puisque ce n'est pas la notre on la comprend pas !tout ce qu'on souhaite c'est de nous tromper ! En tout cas il fayyda fil hna !

SNAWSI a dit…

wé, very abnormal :p

Anonyme a dit…

Mon petit doigt me dis que ce blog fera parler de lui!
Excellent, j'adore et j'y adhère :)

Anonyme a dit…

wallah da7aktni!!!
surtout el 3enwen mouch normaaaal :P

Gouverneur de Normalland a dit…

Merci SNAWSI, chouchitou et 9titsa pour vos encouragements ! cela me va droit au coeur et me pousse a continuer.

J'espere que vous deviendrez des fidels de ce Blog et des citoyens de Normalland !

Skan! a dit…

bech ma i9oulouch 3lyya makch normal ou dé5él direct frendsi (mathabyya na3mel dirassa 3ala frendsi hétha dhaher fih zaddém kil karkadann :o) )
bech nebda bel tahni2a 3la les qques notes elli 9rit'hom liuoma 3al blog Normalien mté3ék , ya3tik essa77a :o)

bech nouassél 3ala 7dith hatchoum ibnou abi 3atssa , ou natra7 sou2él :

3lech fi Normaland taoua fammma kén Arb3a blayess m3abbyine mouch normal : el jouéma3 , el birane , esstadét ouél 9haoui..ou 3lech Nizar i5ammém hakka ?
ouél ahamm mennou elkoll ..kifech ennajjmou enbaddlou el ouadh3yya fi Normaland ?

ou nchalah té5ou mathall echi5 kahfén : dé2iman ila el amééém !!

Gouverneur de Normalland a dit…

pour ce qui concerne le mot "frendsi" ya "Skan !" waw el amman fi Normalland 7all ta79i9 fil 7kaya ! ou bech nrafflou el moutwaartin el kol !

ama 3la 7keyet el 4 blayyess 3melna sondage dans les 4 endroits posant la question "pourquoi venez vous ici?", les reponses etait diverses mais si on ne retient que les reponses majoritaire on aura comme commentaires :

- Dans les mosqués : "alllllahou akbar!"

- dans les cafés : "pourquoi on vient ici ? assis toi et prend un capucin ...tou na7kilek ..."

- dans les stades : "larbiter ommo ..tagazza ...larbiter ommo tagazza!"

- dans les bars : ib3id khirellek sa7bi ..fhemtha kifeh ..ounormal rahou !

Anonyme a dit…

hourra!hourra! acclamons le génie anormal de notre gouverneur!

Anonyme a dit…

question: quel est la politique economique de Normaland? il y a t-il une véritable stratégie ou bien koul ourgued etwakel 3al fougueni?

Gouverneur de Normalland a dit…

anonyme : merci pour tes encouragements. la stratégie économique de Normalland c'est plutot la deuxieme hypothése ;)

Anonyme a dit…

dima mouch 3ajebna chay!!
je respecte votre blog, mais regardons le bon coté des choses..
za3ma hetha el kol ma fama chay yoslo7 fina.. ken el mouch normal??
et ben, c'est normal de suivre certaines attitudes, alors vous voulez quoi?
pour hatchoum, je connais de quoi ça parle les paroles de sheikh imem et curieux d'écouter Elissa qu'est ce qu'elle a chanté.
pourquoi accuser les média, or c'est les médias qui nous a fourni l'espace pour parler..

Anonyme a dit…

Bravo pour le post.

Gouverneur de Normalland a dit…

anonyme : Merci mon ami de respecter mon blog c deja un honneur. Pour ce qui concerne ce post il ne s'agit pas de montrer du doigt cette generation naissante tout au contraire ! l'important ici c'est de voir le langage des sourds qui regne entre le pere et le fils ...cela ne veut pas dire que le pere a raison et que le fils a tord ! Ils ont differentes references c'est tout ! et puis il n'y a pas "une culture" il ya "des cultures". d'autre part je ne suis pas si vieux que ca et moi meme je me considere dans la limite entre ses deux generations !

blackmisery : merci mon ami et bienvenu dans ton pays Normalland.