يا سادة يا مادة يدلنا و يدلكم للخير و الشهادة.
يحكيو , في فخر و اعتزاز, انه حكاية الانفجار الديموغرافي في بلادنا طلعت فوشيكة مبلولة و حتى شي ما انفجر و اطرشق في "بلاد الامن و الامان".
هذية حكاية في ظاهرها تسر برشة خاصة كيف نلقاو انه نسب الولادات ولاّت تضاهي النسب الاوروبية (و احنا نشيخوا و قت إلي نقولو أننا في أمر من الأمور نضاهيو الأوروبيين و الغرب بصفة عامة). لكن كيف نتعمقوا في باطنها نلقاو أن هذا التراجع في نسب الخصوبة أشبه بالتحطم من الانخفاض. بحيث انه مر من 6.5 عام 1970 الى 2.2 عام 2002. و تشير موسوعة اونكارتا انه بلغ نسبة 1.85 في 2004 و يقال انه وصل الى 1.79. بمعنى انه عبر جيل واحد قد قسّمت نسبة الخصوبة على ثلاثة وهو أمر مفزع للغاية.
و يرجع بعض الباحثين في علم الاجتماع (يعني السوسيولوجيا و موش العلم متاع الاجتماعات في لجان التنسيق) هذا الانخفاض الكبير لعدة أسباب منها الزواج المتأخّر, كثرة نسب الطلاق, الهجرة المكثّفة الشرعية و الغير شرعية.
و كل هذه الأمور تشير الى حالة عدم استقرار اجتماعي.
أمر آخر مخيف يعتبر من أسباب هذا التراجع –ما يلزمناش نغض عنه الطرف- وهو العجز الجنسي. وهو ليس عجز جنسي بالمعنى الصحي فقط لكن-بصفة عامة- عجز جنسي اجتماعي. بمعنى انه الزوجان يكونان في حالة صحية جيدة لكن إراديا أو غير إراديا لا ينجبا. وهو امر في غاية الخطورة و يلزمنا نحكيوا عليه و انحللوه و انفركوا الرمانة قبل ما يفوت فينا الفوت و ننقرضوا كيف الدينصورات ( نعرف برشة باش يقولوا ملاّ راحة).
في هذا الإطار إليكم هذه النكتة البليدة (ممنوعة للي أقل من 18 عام و للي ما يحملش البلادة) :
قالك فمّا كوبل عرسوا و بعد 10 سنين زواج (يتسمّاو جابو الصيد من وذنو كيف ما طلقوش قبل) ما جابوا حت صغير. ايا حك راسوا الراجل و قال نمشيو للطبيب. عمللهم هاك الطبيب تحاليل و فحوص, قلّب منا قلّب من غادي, سألهم بعض الأسئلة و من بعد نادى الراجل على انفراد.
- خويا عملنالك تحاليل و فحوص ليك انت وللمدام ...
- انشاله خير يا دكتور ...
- ما عندكم شي ... أموركم 5-5 .. الحكاية و ما فيها تقتصر على مشاكل بسيكولوجية و تقنية بحتة ؟
- كيفاش يا دكتور ما فهمتش ..
- المني متاعك موش قاعد يوصل بالمليح ...ما تعرفش تقمر مليح
- كيفاش ؟ زيد فهّمني ...
- يلزمك تقمر مليح ...يلزمك تحطّوا في وسط الرحم ...و بالتحديد في فم الوالدة
قام هاك الراجل يشكر في الدكتور و هو محرج ,... وصل للباب ومن بعد رجع
-دكتور ...
- تفضل ..عندك سؤال اخر ؟
- الوالدة متوفية ...انّجم نحطّو في فم الوالد ؟