mercredi, janvier 13, 2010

العبرة

رنة و رنة
دقات قلبي
خانسة تستنى
صوت من بعيد
وقيل جاي مالجنة
"ألو ... يا كبدي
ألو يا زهوة بالي"
رعشو ا يديا
و الفؤاد اتهنى
زولك اتصور
يا اميمتي في خيالي

و ...
خنقتني عبرة

زعمة تبرى ؟
يا قلب يا محموم
يا سكيب النبرة
الضحكة كذبة
و الابتسامة غدرة
و الفرحة دون الأهل
ما تحلالي
الغربة كفنك
و البعد باني قبرك
غارق في جهنم
ملي الزمان نساني

عرس الغالي ؟
عينين تزغلل
وضحكة كبيرة تشالي
الخطبة تمت ..
و الفرح ؟ الشهر التالي ؟؟؟
يا ريت نقدر نوصله
و نتهنى
خدمة و كواغط
راهم شغلوا بالي
و الجيب فارغ
و الكرى يستنى

و ...
شدتني العبرة


زعمة تبرى ؟
يا قلب يا محموم
يا سكيب النبرة
الضحكة كذبة
و الابتسامة غدرة
و الفرحة دون الأهل
ما تحلالي
الغربة كفنك
و البعد باني قبرك
غارق في جهنم
ملي الزمان نساني

شنية أحوالي ؟
ساعات مكدر
ساعات زاهي بالي
غربة وطلاق
و انشاء الله همي يجالي
و ننسى جروحي
ونحصد ما نتمنى
و نرجع غانم
زادي طموحي و مالي
و نرجع لأهلي
و أميمتي تتهنى

و ...
غمتني العبرة


زعمة تبرى ؟
يا قلب يا محموم
يا سكيب النبرة
الضحكة كذبة
و الابتسامة غدرة
و الفرحة دون الأهل
ما تحلالي
الغربة كفنك
و البعد باني قبرك
غارق فجهنم
ملي الزمان نساني



جوان, 2009

5 commentaires:

venus a dit…

Et demain est un autre jour ...

Moghrama a dit…

Très émouvant!!

ولد بيرسا a dit…

ما يعجبك في الدهر كان طولو.... تو تتمسح العبرة، و تفرح بيك الغالية و يقعد كان الكلام، يفكّرك في الّي نهار مالنهارات هبطت على خاطرها عبرة...؛

نصّ غول، برافو

deesse tunisienne a dit…

لازم تبرى
يا قلب يا محموم
وتنسي العبره
ايام و تتعدى شبيه الغمضه
غصّب عليك الحال حتى ترضى
،،،
ترجع سالم
من كل شرّ
وكلّ
وجيعة وغصّه
،،،
ترجع غانم
باحلى فيلم
واحلى قصة
:)))

Chiheb 12 a dit…

يجي نهار وتجلّي
على الوالدة التكديرة
وتزهالها ليٌام
وترجعلها التٌبسيمة