lundi, mars 09, 2009

اجابة الى مسلم سابق و رجعي للأبد

يا سادة و يا مادة يدلنا و يدلكم للخير و الشهادة



هاني هالأيمات دخلت في معمعة الاجابات التفاعلية ... فبعد النقاش على التجمع هاو سي مسلم متاع العهد الحجري يجبد في الشبوك من خلال هالتدوينة و هذه اجابتي









أيا سيدي صباح الخير

هات نشوفوا شكون فينا الخوانجي بالمعنى السلبي للكلمة

يعني أنت سيادتك لمجرد أن وقع خطئ في اسم صاحب التعليق قلت ما يكون كان القوفرنور منتحل شخصية و هذا يدل على نفسية مرضية ...عامل روحك تدافع على "حرية المرأة" و أنت تؤمن للنخاع بعدم استقلالية أفكارها و تؤمن بالوصاية

أيا شد عندك ... القوفرنور عندوا أصدقاء و صديقات و يمد يدوا و يسلم عليهم ويبوسهم و يحترم اراءهم و رغم كل الأختلافات الفكرية يتعايش معاهم و يخرج و يفدلك مع أصدقاءه و صديقاته

أما أنت يا سي الخوانجي السابق و الاحق ... مازلت تبهبر في الفارغ على خاطر كلامك المعوج و ان يتناسق مع شخصية معوجة لكن مازلت ماوصلتش باش اتطبق واحد في المئة منه


باهي ... توة برى امشي شوف مدونة صديقتي
esprit primal
تو تفهم الي ماهيش البارح بدات التدوين

زيد عندك ... راك ماكش توم كروز متاع التدوين باش العالم المدوناتي ما عندوا ما يخمم كان كيفاش باش يجاوبك على هزانك و نفضانك و أنا كانك عليا مضمضت بالدونتيفريس و في بالي الي الكلام معاك في مواضيع الحجاب و الاسلام عامتا لا يجدي

تبقى نحب بالله نسألك سؤال ... يا خي ... سي عاشور ناجي ... تحاورت معاك أنا سابقا في موضوع الدين و الحجاب باش تتهمني بكل هذه التهم "التخونيجية" على حد قولك ؟؟؟؟

أنا ما حكيت كان مع مدون اخر ... اسمه ... كان صدقني ربي, عماد حبيب ... الله يرحموا ويبشبش الطوبة الي تحت رأسه ... كان ناس طيبة ... كلا برشة على راسوا لين قرس ... أما ناس طيبة

و أنت منين ليك ؟ مش أنت جيت أيامات بعد موت مدونة صديقي عماد حبيب ؟؟؟ كيفاش اطلعت عالموضوع
A moins que ....
عماد عشور حبيب الناجي يطلعوا les quatres en un
الأربعة بدينار يا مادام

خويا لحبيب ... برى أمشي دور بغافل ... و كان صديقتي قالتلي قبل الي باش تتحاور مع مريض كيفك ... ما يشوفش حدبتوا و حلال عليا حرام عليكم راني قلتلها لوح عليك راهو كمونوا سوٌس و ما عندوا حتى مصدقية

أيا برى شوف شكون تستفز من الجوارات الصغار لا توة نعمل هكة و نعيط لعمي قصة أونلاين يعطيك زوز شلابقك الصباحية باش تفيق يا رفيق وتيزي علينا من النهيق

وخسارة فيك هاك " استعراض القراءاة و الاسماءالغربية " الي تعبت روحها "الأخت" (كرم الله وجهها) بش تقولهملك و انت حطيتهم تحت مجموعة أسماء غربية ..يعني كان زاداتك معاهم رونالدينو و جون بول قوتتيي راهو استوى الحال عندك

برى راجع نظرتك المريضة للمرأة و استنقاص ذكاءها و قدراتها و استقلاليتها ... وكيف تبرى و انشاء الله لاباس ...ايجا ...بالكشي ... يضهرلي و نحكيو

و انستو سي مسلم سابق و رجعي الى الأبد

12 commentaires:

Clandestino a dit…
Ce commentaire a été supprimé par l'auteur.
Tarek طارق a dit…

سلمنا على الصديقة "إسبري بريمال" و قوللها لا تحملي هما.. عادي جدا مع النوعية هذية وقتلي يقع تجاهل مضمون تعليقها و الهروب الى الشخصنة و توهم بطولة من خلال "الكشف على انتحال شخصية".. ههههه المصيبة إلي هذاية ذكرك و ذكرنا بحالة حقيقية متاع انتحال شخصية... بالنسبة لي الموضوع واضح من البداية و قلتلو المدون هذا (بغض النظر على أساميه) وقتلي جا خلالي أول تعليق بالصفة الجديدة في مدونتي... توة السؤال علاش التلون و كل مرة اسم و شخصية و مدونة جديدة؟ خاصة أنو مافماش ما يدل في الحالتين إلي اسم الشخصية هذية حقيقية... هذية الوضعية إلي يستاهل الواحد يقول فيها
get a life

Zizou From Djerba a dit…

samehni gouverneur ou clandestino ama rahou les interventions mte3kom mostawehom y2ather 3ala el reputation mte3kom. Chbi ellougha yasser tayha? Aleche hakka? vous valez mieux que ca!

Gouverneur de Normalland a dit…

@ Zied

كنت حكيت معاك على التدوين التفاعلي و عبرتلك عن أني ما نحبذوش ...لكن

بالله كيفاش تحبني نجاوبه ؟ الواحد يقوم عالصباح يلقى سي المدون يشهر بيه و عامل روحوا جايب الصيد من وذنه و في بلاصة ما يجاوب المعنية بالامر .. يجاوب فيا

و من بعد يجي يحكيلك على حرية المرأة و الوصاية

فوق من هذا الكل السيد يدينونسي في حكاية هو أول العباد يستعمل فيها .. حكاية تبديل الهوية .. و مخيبك يا صنعتي كيف نلقاك عند غيري

apres tu me diras cela ne vole pas tres haut, je suis completement d'accord et je ne m'attends pas que cela soit haut quand il s'agit de posts de réactions

Tarek طارق a dit…

Maritich muchkil fi klam gouverneur amma 3ala koll mich lazim aslan isti3mal ayy tawsifaat yaqa3 istighlalha fi mazid shkhsanat il ma3dou3... zid mich mumkin clando 7attanhom il kol fard shkara....

sorry for the latin transcript... writing from another computer

Anonyme a dit…

5sartek ya clando! toht min 3iny! madamek tehki hekka oubellogha hedhi me toslohch tkoun filblogosphere! brastos et articuler achraf minnek ou min 3achra kifek! mella mostawa ou mella inhitat! tbarkalla a3lik!

Clandestino a dit…

@anonyme:
انا مانصلحش للبلوقوسفار ؟؟؟
ضحكتني

بالكشي جمعية علمية معترف بيها و الا نادي أدبي عندو سمعتو في العالم ؟؟؟
و الا بالكشي مصلحة عامة و الا ادارة عمومية (و قاعد ناخذ في الشهرية على البلوق) ؟؟؟

اذا كان منصلحش للبلوقوسفير مالا أكيد نصلح لمجلس الشعب

Clandestino a dit…

@zied:
هاو خذيت بخاطرك و فسخت التعليق
:)

Anonyme a dit…

clando ena habbit nkollek ennou ennikach meyjich blougha soukia kif hakka. brastos et articuler 3morhom me sam3ouk klem zeyed web saraha meyjich hakka! nhebbek tarjaa clando mta3 kbal! tehiati.

Tarek طارق a dit…

إلى المعلق "أنونيم".. فمة مشكل في كلامك.. من جهة ما يجيش واحد "أنونيم" إذا كانو مش مدون أنو يحددنا شكون يدخل و شكون يقعد في البلوقوسفير.. هو في الحقيقة ما فمة حد ينجم يعملنا سيركولار يقولنا هذا يمشي و هذا يقعد... من جهة أخرى إذا كانك مدون و مت تنجمش تعلق باسمك بل بالاسم متاع "أنونيم" فهو في حد ذاتو مشكلة... يعني إذا كان ما تنجمش تقول كليمتين خفاف كيف هكة بصفتك الحقيقية متاع المدون فاش قام التعليق أصلا و توزيع الصفات و النصائح...

تحياتي

يعطيك الصحة كلاندو كيف فسخت التعليق...

Anonyme a dit…

عسلامة طارق اولا انحب انحييك و نحب نقلك اني انا مانيش مدون وانما من المتابعين لتن بلوغ ثانيا غاضتني من كلاندو طريقة كلامو على خاطر هو موش مستانس يحكي كيف هكة ثالثا ماعندك حتى حق باش تمنع الناس من التعليق و اعطاء رايها في اي حاجة كانت وبالاسم الي هي تراه مناسب رابعا انا نتمنى انو نكونو اصدقاء على خاطر والحق يقال انت من الناس اللي الواحد يلزم يعرفهم .تحياتي ليك ولكلندو وشكرا على رحابة صدرك.

Adem Salhi a dit…

أنا حويجة بركة ما فهمتهاش
خوانجي بالمعنى السلبي للكلمة؟؟؟؟
و الله ضحكتني ي قوفرنور ههههه
آخي ثمة خوانجي بالمعنى الايجابي للكلمة
هههههه
هذي قوية برجولية