ما نخبيش عليكم يا جماعة ... أنا نعتبر روحي ولد الحضبة.
نهارة الي تولدت دجا, على خلاف برشة بلدان وين تحضر كان القابلة ... حضروا عماتي و خالاتي و بنات جيراننا ...الكلهم بجنب أمي محضبين عليها و يشجعوا فيها ... هذايا في البيت إلي تولدت فيها ... ما نحكيلكمش البرة وين تلم العرش الكل من الصغير للكبير للي يمرد عالحصير ...الكل يستناو في سيادتي.
من يوم إلي خلقت, و كيف خواتي الكل, من بعد ما حضبوا عليا أحبابنا و صحابنا يشوفوا في المولود الجديد و طارت النفحة من منضري القحف (خاصة أن أمي دخلت في مرحلة تكوين إطار جديد في كرشها) طيشوني في الحومة.
و دخلت لمرحلة هامة في تاريخ حياتي الحضباوية مع أولاد الحومة : ما نتحركوا كان أون قروب , و إذا قررنا باش نكوروا تلقى في كل فربق فما 27 لاعب و 53 رومبلاسون.
في نهار من نهارات, ما نعرفش اش ذكرهم فيا جماعة دارنا, شدوني من يدي و هزوني لبقعة ... من اللول خفت وبديت نبكي ... أما ملّي ريت إلي البقعة محضبة ..رتحت و فيسع اندمجت : قالولي البقعة اسمها "الكتّاب".
ما يخفاش عليكم إلي بعد عامين كتّاب , وقت إلي لقيت روحي في المكتب في قسم بو 43 تلميذ, ستوحشت و حسيت إلي أحنا شوية لكن جاب ربي إلي كيف نخرج من المكتب يا إما نمشي نكوّر مع أولاد الحومة (ومن بعد التكويرة تولي عركة و تزيد تحضّب مليح) يا إما تهزني الوالدة مع خواتي ال 9 للأسواق إلي تبدى دزني و ندزك و وقتها أنا نشيخ في مخّي.
من بعد ما خرجت مالقراية و قعدت بطّال, جاتني كيف الأزمة في حياتي : كل فول ولّى لاهي في نواروا و حتى أولاد الحومة إلي حرق و إلي في الحبس و إلي دخل يخدم والي مازال شاد في القراية ... الحاصيلوا لقيت روحي وحدي و طايح مونك متاع حضب.
أهوك ساعة ساعة نفتّق مواهبي كي تبدى مفولة عندي فلوس : نقوم الصباح و ناخذ كار ال8 غير ربع ...تبدى مبلعة النفس ما فماش ... ومن ثمة نهبط للأسواق ندورهم سوق سوق و ين نسمع فمّا عركة و إلا أكسيدون و إلا مرى داخت و إلا راجل توفى ... تشيخلي و نمشي نجري نحضّب مع إلي يحضبوا و نحكي للجايين عالمصيبة الي صارت.
أما هالخرجات, ما نعملهمش ديما ... كانش كي تبدى عندي فلوس بزايد. على خاطر عادتا نبدى نتشحح و نتقرنط باش نلم حق تسكرة الستاد نهارة الأحد ... اه ! هذاكا غرامي : نبداها قبل بنهار و إلا زوز بحضبة عالتساكر و هاك البوليسية ... ملاّ وهرة عليهم ... يبداو ينشوا فينا و يعيطوا "افرقوا الحضبة ! افرقوا الحضبة" ملاّ جو !!! و نهارة الماتش نقوم الصباح و نتلموا حضبة باهية في الحومة و من بعد حضبة باهية في الكار (الي ندشدشوها تدشديش) و من بعد نلقاو حضبة ما أكبر قدام الستاد و عباد تغني و شادة الصف و الماتراك ... و المتراك ! ملاّ جو !!! و من بعد تلقاه فيراج كامل محضّب على بعضوا ... و زيد نشيخ و نزطل وقت إلي نلقى الجمعية ... و إلا خاصة الفريق القومي ... يلعب بتاكتيك "حضبة و قول" نمووت على هالتكتيك خاصة كي نستعملوها في الكوب دي موند ! ملاّ جو !!!
صحيح إلي في الصيف, وقت إلي توفى الكورة ...الرياضة تخلي بلاصتها ... لكن جاب ربي فمّا حضب العروسات, حضب المهرجانات في كل شبر مالبلاد ... هاو مهرجان في حومتنا ,هاو مهرجان الحوت, هاو مهرجان الكسكروت ...الحاصيلوا ما تلقاش الوقت باش تقلق ...
أما يبقى ديما النهار الي نبدى عام كامل نستنّى فيه , ابار نهارة العيد الكبير (وين تحضّب عرك و تنطيح بين العلالش) هو يوم 31-07 أول يوم في الصولد ... يرحم والديهم هالمغازات الكبيرة كيف خممّوا في الناس الي يعشقوا الحضب كيفي و عملولهم ليلة للصباح ... حضّب كيف ما تحب, دز كيف ما تحب, عارك كيف ما تحب ... و الماتراك, و الماتراك ...ملاّ جو ! ملاّ جو !!
13 commentaires:
bonjour!
ca ma bien amuse 3la sbe7.
aya nharkom tayib.
mdrrr allah yehdik :D hakka 5allitni nath7ak wa7di fel biro kil mahboul :D
Matkollich 7solt kifi fi carrefour emess?! ena mchit vers 9h30 we ma fi belich bel msiba te3 il solde de minuit, mana7kilekch we barra al fawdha !!
7abbina enraw7ou eteblokina fil embouteillage mouch normal! rawa7na 23h !!!
inchalah dima m7adhba fel blog mte3ek ;-)
أنا بيدي نحضر في تدوينة على موضوع الصولد البارح... مدخل الحضب هايل...
@anonyme :
يا سي قاسم انونيم (على وزن قاسم امين)هو تباركالله عليك عندك برشة حجات باش تقولهم و تحب تقولهم
علاش ما تعملش كيف الناس الكل و تحل مدونة خاصة بيك تحط فيها اراءك الكل و تتحمل انت مسؤولية الكلام و الافكار الي تقول فيها ؟
علاش تتكلم تتكلم و انت متخبي ورى ضهري ؟ انا على الاقل كيف نتكلّم نتحمل مسؤولية الكلام الي نقولوا ...يا خويا مرحبا بيك في عالم التدوين و نشجعوا احنا المواهب الصاعدة بقطع النظر على اراءهم و ايديوليجيتهم و افكارهم ...تبقى انا اشد ما نكره هو انوا شخص ما يتحملش مسؤولية الي يعملوا و يحاول يرمي المسؤولية على غيره.على كل حال مرحبا بيك في نورمالاند و في عالم التدوين ...و وقت الي تحل مدونة بالله قلي نحب نقرى شنوة تكتب.
@cactussa : cela me fait plaisir que mon article t a bien fait marrer ..surtout 3assbé7 ou generalement el 3béd tabda kachta ou orbot !
mar7bé bik fi Normalland ..ou 7atta enti nharek tayyeb !
@safOne : ti behi ya safone el dho7k 3al sbé7.. ou deja wa7ed yadh7ak fi birou ..7aja tdha77ak
@ snawsi : ahla b madame la co-presidente de Normalland ! nopn j'y etais pas ... j aurais aimé y etre et filmer ou photographier ce moment historique d'anarchie !
@islam_ayeh : barraka allahou fik ...nchallah t7adhab fi al afra7 wel massarrat ..3andi ou 3andek :) amma 7adhba mta3 a7béb ...
@Tarek Kahlaoui : aya heni nestana fel post mta3ek 3al solde ! fait vite 9bal ma toufa el solde !
1- j'ai ma r.publique , donc un blog est trop petit pour moi ! je ne peux penser en sous sol!
2- j'ai voulu t'encourager , ni plus ni moins , tu sais que j'ai pas vraiment besion ni de la une ni de la dérniére page !
3- je suis bien responsable de mes dire et des mes écritures et je me cache pas ! donc un text publié devient forcement publique!
4- La république Normalandaise ne peut sortir hors son Blog! donc tu viens de créer tes propres frontiéres ! donc tes limittes même des pensées! Un Blog reste un espace trop stationnaire , ainsi que locale ...il faut aller chercher plus vous les Blogueurs donneurs des Lecons !!! merci
kacem
@Kacem :
1- si un blog est un "sous sol" pour toi ..alors pourquoi tu y descends ?
2- Merci pour ton ecouragement. si tu n as pas besoin de pages alors pourquoi ecrire.
3-je suis content d'apprendre que tu es responsable de tes paroles et actes. Moi je te connais pas ... meme si tu crois que tu ne te caches pas ...tu reste anonyme (du moins pour moi, a cet instant)
4- chaque pays a ses frontieres et j'en suis fier. Je ne suis pas un donneur de leçons et je n'oblige personne a me lire.
5- Je n'ai rien compris de ton message, je crois qu il y a inversement dans l ecriture en arabe ...si tu veux tu peux me l'envoyer perso sur Normalland@yahoo.fr
6-encore une fois tu es le bienvenue a Normalland. mais je suis désolé de t annoncer que meme Normalland a ses codes et ses lois et ce n'est pas l'annarchie totale.
@Kacem :
1- si un blog est un "sous sol" pour toi ..alors pourquoi tu y descends ?
جيت نعمل في طلّة ! يا سيدي الرّئيس ! بالعربي ما إفوتني شيئ على الأنتؤنات التونسية ! و كل يوم نقرى البلوقات التونسية الكل ! قهوة الصباح متاعي عملها حذى نادية و من نادية نتعدى عندك و من بعد عند الجماعة الأخرين ...كسكروت ! حسب رأي الشخصي الي البلوقات فيهم طاقات ما زال إتحاول تخرج من العزلة ...بمعنى أخر من تحت الأرض ! إنعم الفيلم الي قصيتو فيه برشة دوة تدوات على تونزين الكبيرة ! قلت بــــــــرى إنشجع الجمهورية النورماليه متاعك ...الفيلم تنشر و أصبح ملك المجموعة الوطنية التونسية ! و خرج من جمورية قاسم الي إتزرعت على النات الكل ...
2- Merci pour ton ecouragement. si tu n as pas besoin de pages alors pourquoi ecrire.
الكتابة بالنسبة لقاسم هواية كبيرة ! و في يوم من الأيام قلت يا ليك يا ليها ! القلم هذا لازمو يبحث على الحقيقة و إناضل من أجل الحرية و الكرامة للشعب التونسي ! لازمو إطلّع الزيت ...و بالشوية بالشوية لقيت روحي نكتب بكل حرية ...إتخلّصت من كل العوائق الي إتنجم إتخلي الواحد إصنصر في روحو بروحو ! طلعت إذا جمهورية قاسم في عام 2000 ....إنت يا سي رئيس الجمهورية عند موهبة ...لذلك قلت إنشجعك بنص من النصوص الي إتنشرت ...على واصل و إكون الجمهورية متاعك ...كان كل تونسي يوصل باش يعرف الحدود متاعو و يعمل الجمهورية متاعو توه هاكي البلاد أتولي بلاد بالحق
3-je suis content d'apprendre que tu es responsable de tes paroles et actes. Moi je te connais pas ... meme si tu crois que tu ne te caches pas ...tu reste anonyme (du moins pour moi, a cet instant)
الكتابة مسؤولية كبيرة ! أي محاولة ما إتكونش صادقة تمشي للريح ! هذا هو الســـــــر في الكتابة ! من ناحية إني نكــــــــرة ....أبدا قاسم قاسم : إسم علم ...معروف على الصعيد النورمالي العالمي ! و موش لازم باش نذكرلك النكرات الي كتبت في مواضيع الحرية و الكرامة ....إلى يومنا هذا و بعد سنين طوال مازلو نكرات حسب رأيك ....لا يا سي رئيس الجمهورية ....النكرة الي ما عندوش إستـــــــــــــيل ! الي ما نجمش إمس اللّب متع الكتابة متاعو ...النكرة الي ما خلاش الطاقات متاعــــــــــــــــو إطير ! النكرة الي ما زال يحسب فيها على الطاولة !!!!!
4- chaque pays a ses frontieres et j'en suis fier. Je ne suis pas un donneur de leçons et je n'oblige personne a me lire.
أجمهورية قاسم تعترف بسيادتك على أرضك ! كما تعترف بكل حدودك ! في الحكاية يا صحوبة ...ثم طيارة ( تيتــــــــــــــــانيك ) هذا فيلم كبير ..إخترقت المجال الجوي متع نورمنلاند ...بغلطة ...ظاعت بوما ما ! لذلك جمهورية قاسم تتلتمس من سيادتكم الأعتذار ....و من هنا و برى غادي ما عادش تبعث حتى فيلم !
5- Je n'ai rien compris de ton message, je crois qu il y a inversement dans l ecriture en arabe ...si tu veux tu peux me l'envoyer perso sur Normalland@yahoo.fr
شكرا سيدي الرّئيس على هذا الثيقة الكبيرة ! و لكن حبذت أن أخاطبكم على الماء مباشرة حتى أكون واضحا وضوح الشمس ! شكرا سيدي و ترقبو من جمهورية قاسم هدية تكون في مقام جمهورية نورمال لند ...جمهورية الحرية و العزة و الكرامة !
6-encore une fois tu es le bienvenue a Normalland. mais je suis désolé de t annoncer que meme Normalland a ses codes et ses lois et ce n'est pas l'annarchie totale.
لكم دستوركم ...و لنا دستورنا ....غير إني لن أقف أمام اي جمهورية كانت لأمد يدي طالبا تأشيرة الدخــــــول ! سيدي الكريم ..عندما تتذوق طعم الحرية عندها ستقول :
أسافر ذبذبة
أسافر وشوشة
أسافر دون تذكرة
إنستي يا صاحبة
حقيبة القانون
إني متمرد
شارد
معارض
لدول القانون
أعلمك
سأتمرد كل يوم
من جديد
عنك و عني
وعن أصابع
ألة القانون.
معارض و ألف مرة معارض
أنتمي و مليونا من ملتي
لأحظان زينب
و لأحضان قلتي
أشرب منها
و أسقي الجمع
و أسقي الجميع ثورة خمرتي.
أسقيهم حبا لزينب
سأسقيهم أكثر من مرة.
معارض و أنتمي
فهل تغظب ؟
معارض و انتمي
هل ترضى؟
معارض و أنتمي
لرفقتي
لزينب و جرتي
فلا تغقل.
قاسم
Merci Kassem, je crois qu 'on commence a trouer un terrain d'entente. Pour l'histoire de Kassem, comme je t dis ..elle a été publiée inverssée : les phrases commencent par le milieu ...donc je n ai rien pu dechiffrer et je ne crois que d'autres normallandais ont pu le faire.
Puisque tu dis que tu voulais me faire le cadeau de partager , j'en suis trés touché et pour le cadeau et pour l'encouragement.
juste que, parlant de style, je trouve que ton dernier commentaire est plus normalien que les autres et c'est ce que je cherche ...car Kol Bled ou artalha ..et sache que si moi j'entre dans le monde de Kassem, je tiendrais le discours de kassem pas par cecnsure ou par obligation mais par respect a ce monde que tu as crée.
Tu es le bienvenu si tu as le visa de l'amour et de la bonne foie et je suis persuadé que tu les as. ces les sentiments necessaire pour etre un Normallandais.
mes respects Monsieur et les encouragements.
آش بيكم؟؟
ناقصكم كان الماتراك الماتراك وملا جو؟؟
جاب ربي وصلتو للمفاهمة قبل الملتقى والا راهي كلات بعضها نهارت اللمة ويولى عرس عاد
ikoulou elli notre attirence vers el7adhba est dans nos genes, c heriditaire vus qu'une grande partie des tunisiens descendent de banou hilal, jaou el tounes en groupe w moutou al balbla
Enregistrer un commentaire